Bigg Boss Marathi : ''अंकिता तुमचा प्रवास इथेच संपतो...'', 'कोकण हार्टेड गर्ल' घराबाहेर?

नुकतंच कलर्स मराठीने एक प्रोमो शेअर केला आहे. या प्रोमोत कोकण हार्टेड गर्ल अंकिता प्रभू वालावलकरचा बिग बॉस मराठी मधला प्रवास संपल्याचे दिसत आहे. या प्रोमोच्या सुरुवातीला रितेश देशमुख हा या घरातून बाहेर जाणाऱ्या सदस्याचं नाव आहे अंकिता असे सांगतो. रितेशने अंकिताचे नाव घेतल्यानंतर सर्वांनाच धक्का बसला. 

हे ही वाचा : Ladki Bahin Yojana : दुसऱ्या टप्प्यात 52 लाख महिलांना मिळणार लाभ, तुमच्या बँकेत किती पैसे येणार?

रितेश देशमुख यांनी नाव घेतल्यानंतर अंकिता उठून तिच्या नावाची पाटी घेते आणि सर्व सदस्यांची भेट घेऊन घराबाहेर पडताना दिसत आहे. रितेशने अंकिताचा प्रवास संपल्याचे जाहीर करता धनंजय पवार आणि सूरजला अश्रू अनावर झाल्याचे दिसत आहेत. तसेच अंकिताच्या चाहत्यांनाही याचा धक्का बसला आहे. 

खरं तर बिग बॉस मराठीच्या पाचव्या आठवड्यात घरात मानकाप्याची एन्ट्री झाली होती. त्यामुळे बिग बॉसने दिलेल्या नियमानुसार प्रत्येकाला घरात जोडीने राहणं बंधनकारक होतं. यावेळी घरात नॉमिनेशन कार्य सुद्धा जोडीनेच पार पडलं होतं. घरातील अन्य सदस्यांनी मिळून निक्की – अभिजीत आणि वर्षा – अंकिता यांच्या दोन जोड्यांना नॉमिनेट केलं. परिणामी, या आठवड्यात घरातून बेघर होण्यासाठी निक्की तांबोळी, अभिजीत सावंत, वर्षा उसगांवकर आणि अंकिता वालावलकर हे चार सदस्य नॉमिनेट झाले. त्यापैकी आज  अंकिता वालावलकर घराबाहेर पडणार असल्याचे प्रोमोत दिसते आहे. 

हे ही वाचा : Nandurbar Crime : आई, पोटात दुखतंय; डॉक्टरांकडे जाताच बापाचं पितळ उघडं पडलं, नेमकं काय घडलं?