Chhaava Movie Trailer: 'विक्की'चा रुद्रावतार अन्...! पहिल्याच दिवशी 'छावा'चा ट्रेलर गाजला, धडकी भरवणारा व्हिडीओ पाहिलात का?

छावाच्या ट्रेलरने पहिल्याच झलकमध्ये प्रेक्षकांची मनं जिंकली आहेत. विशेष म्हणजे विक्की कौशले या चित्रपटात साकारलेल्या भूमिकेचं सोशल मीडियावर खूप कौतकु केलं जात आहे. विक्कीच्या चाहत्यांसह मराठी कलाकारही या चित्रपटाच्या ट्रेलरचा व्हिडीओ इंटरनेटवर व्हायरल करत आहेत. विक्कीची दमदार आवाजातील डायलॉगबाजी अनेकांचं लक्ष वेधून घेत आहे. या ट्रेलरमध्ये तुम्ही अभिनेत्री रश्मिका मंदानालाही जबरदस्त भूमिकेत पाहू शकता. महाराणी येसूबाईंच्या भूमिकेत रश्मिका मंदाना या चित्रपटात झळकणार आहे.

हे ही वाचा >> Ladki Bahin Yojana: लाडक्या बहिणींनो! अपात्र महिलांना पैसे परत द्यावे लागणार? आदिती तटकरेंनी स्पष्टच सांगितलं

तर अक्षय खन्ना या चित्रपटात मुघल साम्राज्याचे बादशाह औरंगजेबची व्यक्तीरेखा साकारणार आहे. अक्षय खन्ना यांच्या भन्नाट लूक पाहून प्रेक्षकांच्या भुवया उंचावल्या आहेत. या चित्रपटात आशुतोष राणा, दिव्या दत्ता, विनीत कुमार सिंग, डायना पेंटी यांचाही रोल असणार आहे. या चित्रपटाला मेडॉक फिल्म्सने प्रोड्युस केलं आहे. चित्रपटाचं दिग्दर्शन 'मिमी' फेम डायरेक्टर लक्ष्मण उतेकर यांनी केलं आहे. दरम्यान, हा चित्रपट 14 फेब्रुवारीला व्हॅलेंटाईन डे ला रिलीज होणार आहे.

हे ही वाचा >> Saif Ali Khan meets Auto Driver : अर्ध्या रात्री मदतीला धावून आलेल्या रिक्षा चालकाला सैफची झप्पी, फोटो समोर

विक्कीचा हा मराठा सम्राटचा लूक पाहून चाहत्यांना बाजीराव मस्तानीच्या रणवीर सिंगच्या रोलची आठवण झालीय. विक्की कौशलने छावा चित्रपटात छत्रपती संभाजी महाराजांची आव्हानात्मक भूमिका साकारली आहे. तर रश्मिका मंधाना त्यांच्या पत्नीच्या (येसूबाई भोसले) भूमिकेत दिसणार आहे. या चित्रपटाचं शूटिंग पूर्ण झालं असून आज ट्रेलर रिलीज झाल्याने या चित्रपटाची सोशल मीडियावर तुफान चर्चा रंगली आहे.

इथे पाहा छावा चित्रपटाचा धमाकेदार ट्रेलर