Maza Ladka Bhau Yojana: लाडका भाऊ योजनेत फक्त 6 महिनेच मिळणार पैसे, असा नियम का?
Maza Ladka Bhau Yojana Rules: माझा लाडका भाऊ योजनेतील तरुणांना राज्य सरकार केवळ सहा महिनेच पैसे देणार आहे. जाणून घ्या या योजनेतील नेमक्या अटी आणि नियम काय आहेत.
ADVERTISEMENT
![Maza Ladka Bhau Yojana: लाडका भाऊ योजनेत फक्त 6 महिनेच मिळणार पैसे, असा नियम का? लाडका भाऊ योजनेत फक्त 6 महिनेच मिळणार पैसे](https://akm-img-a-in.tosshub.com/lingo/mbtak/images/story/202407/669e8330e11fa-in-maza-ladka-bhau-yojana-youth-will-get-money-only-for-6-months-why-has-the-shinde-government-made-220503731-16x9.png?size=948:533)
बातम्या हायलाइट
![point](https://akm-img-a-in.tosshub.com/lingo/uptak/resources/mum-tak-icon.png)
लाडका भाऊ योजनेत मिळणार फक्त 6 महिने पैसे
![point](https://akm-img-a-in.tosshub.com/lingo/uptak/resources/mum-tak-icon.png)
लाडका भाऊ योजनेतील अटी आणि नियम काय?
![point](https://akm-img-a-in.tosshub.com/lingo/uptak/resources/mum-tak-icon.png)
लाडका भाऊ योजना नेमकी कोणासाठी?
Maza Ladka Bhau Yojana Money: मुंबई: मुख्यमंत्री एकनाथ शिंदे यांनी काही दिवसांपूर्वी लाडकी बहीण योजनेप्रमाणेच लाडक्या भावांसाठी त्यांच्या सरकारने योजना सुरू केल्याची घोषणा केली होती. मुख्यमंत्री युवा कार्य प्रशिक्षण या योजनेलाच मुख्यमंत्री शिंदेंनी माझा लाडका भाऊ योजना (Maza Ladka Bhau Yojana) असल्याचं म्हटलं आणि तेव्हापासूनच या योजनेबाबत बरीच चर्चा सुरू झाली. पण खरं म्हणजे ही योजना माझी लाडकी बहीण योजनेसारखी अजिबात नाही. यामध्ये तरुणांना जे पैसे मिळणार आहेत ते केवळ 6 महिन्यांसाठी मिळणार आहेत. (in maza ladka bhau yojana youth will get money only for 6 months why has the shinde government made such a rule)
माझी लाडकी बहीण योजना ही सरकारची अत्यंत महत्त्वाकांक्षी अशी योजना आहे. ज्यामध्ये महिलांना 1500 रुपये दरमहा मिळणार आहेत. त्यामुळे या योजनेबाबत महिलांमध्ये बरीच उत्सुकता आहे. या योजनेमध्ये पात्र ठरणाऱ्या महिलांना कायम स्वरुपी पैसे मिळणार आहेत. ज्याचा त्यांना थेट फायदा होणार आहे.
या योजनेची लोकप्रियता लक्षात घेऊन मुख्यमंत्री एकनाथ शिंदेंनी मुख्यमंत्री युवा कार्य प्रशिक्षण या योजनेला लाडका भाऊ योजना म्हणत ती तरुणांसाठी आणत असल्याचं जाहीर केलं.
हे वाचलं का?
ADVERTISEMENT
हे ही वाचा>> Ladka Bhau Yojana GR: लाडका भाऊ योजनेचा जीआर लागू, पाहा तरुणांना नेमके कसे मिळणार पैसे?
मात्र, असं असलं तरीही लाडका भाऊ या योजनेतून तरुणांना जे आर्थिक सहाय्य मिळणार आहे ते केवळ 6 महिन्यांसाठीच असणार आहे. तसंच जे तरुण कौशल्य प्रशिक्षण घेण्यासाठी कंपनी किंवा कार्यलयांमध्ये जातील त्यांनाच हे पैसे मिळतील. अन्यथा त्यांना कोणतेही पैसे मिळणार नाहीत.
पण माझी लाडकी बहीण योजनेमध्ये अशी कोणतीही अट नाही. त्यामध्ये महिलांना सरसकट पैसे मिळणार आहेत.
ADVERTISEMENT
Maza Ladka Bhau Yojana: 10 हजार रुपये मिळणार पण फक्त सहा महिने...
माझा लाडका भाऊ या योजनेत तरुणांना 6 महिने विद्यावेतन मिळणार आहे. त्यासाठी नेमक्या अटी कोणकोणत्या आहेत हे आपण आता जाणून घेऊया.
ADVERTISEMENT
या योजनेअंतर्गत राज्यातील उद्योगांमध्ये रोजगार उपलब्ध करून देण्यासाठी खालीलप्रमाणे कार्य प्रशिक्षण कार्यक्रम (CM Youth Work Training Scheme) राबवला जाईल व त्याचे स्वरूप पुढीलप्रमाणे निश्चित केले आहे.
१) या योजनेत सहभागी होण्यासाठी उमेदवाराने कौशल्य, रोजगार, उद्योजकता व नाविन्यता विभागाच्या या योजनेसाठीच्या संकेतस्थळावर नोंदणी करणे आवश्यक आहे.
२) आस्थापना/उद्योग/महामंडळामार्फत विना अनुभवी रोजगार इच्छुक पात्र उमेदवारांना आस्थापना/उद्योग / महामंडळ या मध्ये प्रत्यक्ष कार्य प्रशिक्षण देण्यात येईल. या योजनेंतर्गत उमेदवारांना प्रशिक्षण कालावधीत कार्य प्रशिक्षणाद्वारे कुशल/अर्धकुशल प्रकारचे प्रत्यक्ष प्रशिक्षण देणे अपेक्षित आहे.
३) सदर कार्य प्रशिक्षणचा कालावधी ६ महिने असेल. सदरच्या सहा महिन्याच्या कालावधीसाठी उमेदवारांना या योजनेंतर्गत शासनामार्फत विद्यावेतन देण्यात येईल.
४) प्रशिक्षण पूर्ण केलेल्या उमेदवारांना संबंधित आस्थापनेकडून प्रशिक्षण यशस्वीरित्या पूर्ण केल्याचे विहित नमुन्यातील प्रमाणपत्र देण्यात येईल.
हे ही वाचा>> Ladka Bhau Yojana Online Form: वेबसाइटवरून अर्ज भरा; पण आधी करा 'ही' गोष्ट, तरच...
५) या योजनेच्या प्रशिक्षणा नंतर प्रशिक्षण पूर्ण केलेले उमेदवार सबंधित उद्योग/ आस्थापना यांना योग्य वाटल्यास व उमेदवाराची इच्छुकता असल्यास त्यांना रोजगार देण्याच्या दृष्टीने संबंधित आस्थापना निर्णय घेऊ शकतील.
६) या योजनेंतर्गत प्रशिक्षण घेत असलेल्या उमेदवारांना किमान वेतन कायदा, राज्य कामगार विमा कायदा, कामगार भविष्य निर्वाह निधी कायदा, कामगार नुकसान भरपाई कायदा व औद्योगिक विवाद कायदा लागू राहणार नाही.
७) या कार्य प्रशिक्षण योजनेंतर्गत प्रशिक्षणार्थीना त्यांच्या शैक्षणिक अर्हतेप्रमाणे शासनामार्फत विद्यावेतन दिले जाईल. सदर विद्यावेतनाचे विवरण खालील प्रमाणे असेल.
१. १२ वी पास - रु. ६,००० (दरमहा विद्यावेतन)
२. आय.टी.आय / पदविका - रु. ८,००० (दरमहा विद्यावेतन)
३. पदवीधर / पदव्युत्तर - रु. १०,००० (दरमहा विद्यावेतन)
८) या योजनेंतर्गत उपरोक्त तत्क्यात नमूद दरमहा विद्यावेतन रक्कम शासनाद्वारे प्रशिक्षणार्थ्यांना अदा करण्यात येईल. प्रशिक्षणा दरम्यान प्रशिक्षणार्थीची दैनिक हजेरी संबंधित आस्थापना /उद्योग ऑनलाईन पद्धतीने घेण्यात येईल. सदर ऑनलाईन उपस्थितीच्या आधारे प्रशिक्षणार्थीचे विद्यावेतन प्रशिक्षणार्थीच्या थेट बैंक खात्यात (DBT) ऑनलाईन पद्धतीने दरमहा अदा करण्यात येईल.
९) विद्यावेतनामध्ये सबंधित उद्योजकामार्फत जाहीर केलेली सुट्टी व अनुज्ञेय रजा याचा अंतर्भाव राहील. उद्योजक उमेदवारांना सदर विद्यावेतना व्यतिरिक्त अधिकचे विद्यावेतन देऊ इच्छित असेल तर सदरची वाढीव रक्कम उमेदवारांना अतिरिक्त स्वरुपात देऊ शकेल.
१०) या योजनेंतर्गत प्रशिक्षणार्थी महिन्यातून १० दिवस अथवा त्यापेक्षा जास्त दिवस गैरहजर असला तर, सबंधित प्रशिक्षणार्थीस त्या महिन्याचे विद्यावेतन अनुज्ञेय राहणार नाही.
११) प्रशिक्षणार्थीने वरील अटीची पूर्तता केली असली परंतु सदर प्रशिक्षणार्थी प्रशिक्षणाच्या पहिल्याच महिन्यात प्रशिक्षण सोडून गेल्यास असा प्रशिक्षणार्थी विद्यावेतनास पात्र राहणार नाही.
१२) या योजनेचा दर २ वर्षांनी आढावा घेऊन आवश्यकता असल्यास योजनेत सुधारणा करणेबाबतचा निर्णय घेण्यात येईल.
१३) या योजनेच्या दरम्यान प्रशिक्षणार्थीस कायम / नियमित स्वरूपाचा रोजगार अथवा स्वयंरोजगार प्राप्त झाल्यास अथवा प्रशिक्षण सोडून गेल्यास अथवा अनधिकृत गैरहजर राहिल्यास या योजनेंतर्गत प्रशिक्षण व त्या अनुषंगाने विद्यावेतन घेण्यासाठी पात्र राहणार नाही.
१४) या योजनेंतर्गत शिकाऊ उमेदवारी (NAPS /MAPS) पूर्ण केलेले व करीत असलेले उमेदवार पात्र राहणार नाहीत.
१५) एका उमेदवारास या योजनेचा लाभ एकदाच घेता येईल.
१६) या योजनेंतर्गत खाजगी क्षेत्रातील आस्थापना/उद्योजकाकडे एकूण कार्यरत मनुष्यबळाच्या १०% व सेवा क्षेत्रासाठी २०% इतके उमेदवार कार्य प्रशिक्षणसाठी घेता येतील. केंद्र व राज्य शासनाच्या शासकीय / निमशासकीय या आस्थापना / उद्योग / महामंडळ या मध्ये मंजूर पदाच्या ५% इतके उमेदवार कार्यप्रशिक्षणासाठी घेता येतील. आस्थापना / उद्योग यांनी त्यांच्याकडील कार्यरत मनुष्यबळाची माहिती अचूक दर्शविणे आवश्यक राहील. चुकीची मनुष्यबळ संख्या दर्शवून अथवा चुकीच्या पद्धतीने गणना करून या योजनेंतर्गत मनुष्यबळ उपलब्ध करून घेतल्यास त्यासाठी सबंधित कार्यालयाचा कार्यालय प्रमुख / प्राधिकृत अधिकारी जबाबदार राहील.
१७) राज्यामध्ये शैक्षणिक वर्ष २०२३-२४ पासून राष्ट्रीय शैक्षणिक धोरण-२०२० – (NEP-२०२०) अंतर्गत नवीन अभ्यासक्रम आराखड्याची अंमलबजावणी सर्व स्वायत्त महाविद्यालये आणि विद्यापीठ विभागातील पदवी व पदव्युत्तर अभ्यासक्रमांसाठी सुरु करण्यात आली आहे. तसेच शैक्षणिक वर्ष २०२४-२५ पासून नवीन अभ्यासक्रम आराखडा राज्यातील अकृषी विद्यापीठाशी संलग्नित महाविद्यालयांनाही लागू करण्यात आला आहे. नवीन अभ्यासक्रम आराखड्यांतर्गत एकूण ६ व्हर्टीकल्स पैकी ५ व्या आणि ६ व्या व्हर्टिकल्समध्ये कौशल्य आधारीत अभ्यासक्रम, ऑन जॉब ट्रेनिंग (OJT) आणि Apprenticechip या नावीन्यपूर्ण अभ्यासक्रमाचाही समावेश करण्यात आला आहे. युवकांना कौशल्यपूर्ण प्रशिक्षण, सॉफ्टस्किल ट्रेनिंग, लाईफस्किल ट्रेनिंग, तांत्रिक प्रशिक्षण देवून तरुणांची रोजगारक्षमता वाढविणे तसेच शिक्षण घेतांना कामाच्या ठिकाणी कामाशी संबंधित कार्यकौशल्य आत्मसात करणे या उद्देशाने ज्या अभ्यासक्रमात कमीत कमी ६ महिन्यांचा ऑन जॉब ट्रेनिंग (OJT) किंवा Apprenticeship अंतर्भूत आहे, अशा अभ्यासक्रमांतील विद्यार्थीदेखील मुख्यमंत्री युवा कार्यप्रशिक्षण CM Youth Work Training Scheme) योजनेसाठी पात्र ठरतील.
ADVERTISEMENT