Mazi Ladki Bahin: ऑक्टोबर महिन्यात थेट मिळणार 3000 रुपये, 'हे' आहे खरं कारण!

माझी लाडकी बहीण योजनेसाठी आतापर्यंत राज्यातील 2.4 कोटींहून अधिक महिलांनी अर्ज केले असून, त्यापैकी 2 कोटींहून अधिक महिला या योजनेचा लाभ घेण्यास पात्र ठरल्या आहेत. योजनेसाठी पात्र असलेल्या महिलांच्या बँक खात्यात हप्त्याची रक्कम जमा करण्यात आली आहे.

हे ही वाचा>> Ladki Bahin Yojana : तब्बल 1 कोटी 96 लाख महिलांच्या खात्यात 4500 जमा?, तुमच्या अर्जाचं काय झालं?

ज्या महिलांनी यशस्वीपणे अर्ज केला आहे आणि ज्यांचे बँक खाते आधार कार्डशी लिंक केले आहे अशा सर्व महिलांच्या बँक खात्यात पहिल्या, दुसऱ्या आणि तिसऱ्या हप्त्याची रक्कम राज्य सरकारने जमा केली आहे. मुख्यमंत्री माझी लाडकी बहीण योजनेचा लाभ मिळाल्याने महिलांमध्ये आनंदाचे वातावरण आहे, दरम्यान, चौथ्या योजनेबाबत एक अपडेट आली आहे.

माझी लाडकी बहीण योजनेचे अॅडव्हान्स हप्ता मिळणार (Big Update Majhi Ladki Bahin Yojana Next Installment in Advance) 

राज्यातील कोट्यवधी महिलांना तिसऱ्या हप्त्यापर्यंत 4500 रुपये मिळाले आहेत, तर चौथ्या हप्त्याबाबत काही खास माहिती उपमुख्यमंत्री अजित पवार यांनी नुकतीच दिली आहे. वास्तविक, जनसन्मान यात्रेत उपमुख्यमंत्री अजित पवार यांनी मोठी घोषणा केली आहे.

हे ही वाचा>> Optical Illusion Quiz: फक्त जीनियस लोकंच या चित्रात चूक शोधू शकतात, तुम्हीही लावा जोर!

माझी लाडकी बहीण योजनेबाबत उपमुख्यमंत्री अजित पवार यांनी केलेल्या घोषणेनुसार राज्यातील लाडक्या बहिणींना चौथा हप्ता मिळणार आहे. पण तो ऑक्टोबर आणि नोव्हेंबर असा दोन महिन्यांचा मिळून मिळणार आहे. म्हणजेच ऑक्टोबर महिन्यातच महिलांना 3000 रुपये मिळणार आहेत. 

Advance मध्ये का मिळणार पैसे? 

माझी लाडकी बहीण योजनेच्या चौथ्या आणि पाचव्या हप्त्याचे पैसे हे महिलांना ऑक्टोबर महिन्यातच मिळणार आहे. यामागचं मूळ कारण म्हणजे निवडणुका आहे. कारण येत्या 15 दिवसात कधीही विधानसभा निवडणुका जाहीर होऊ शकतात. ज्या नोव्हेंबर महिन्यात होणं अपेक्षित आहे. अशावेळी एकदा निवडणुका जाहीर झाल्या की, आचारसंहिता लागू होईल.

आचारसंहिता लागू झाल्यानंतर शासकीय योजना या तात्पुरत्या स्वरुपात बंद होतात. त्यामुळेच लाडकी बहीण योजनेचे नोव्हेंबर महिन्याचे पैसे हे ऑक्टोबरमध्ये येणार आहेत.