Nana Patole: निकालाआधीच मविआत CM पदावरून रस्सीखेच! पटोले म्हणाले, "काँग्रेसचा मुख्यमंत्री..."

नाना पटोले म्हणाले, "महाराष्ट्रात काँग्रेसच्या नेतृत्वात आघाडीचं सरकार बनेल. राज्यात काँग्रेसचे सर्वात जास्त आमदार निवडूव येतील. आघाडीचं सरकार येईल.", पटोलेंच्या या विधानाचा राऊतांनी समाचार घेत म्हटलं, आम्ही हे मान्य करणार नाही. कोणीच मान्य करणार नाही. आम्ही बसून यावर निर्णय घेऊ. आघाडी सरकार नंतर बैठक घेऊन निश्चित करेल. राहुल गांधी, प्रियंका गांधी, खरगे यांनी नाना पटोलेंना मुख्यमंत्री होण्याबाबत सांगितलं असेल, तर तसं त्यांनी जाहीर करावं.

हे ही वाचा >> Today Gold Rate: मतदान संपताच सोन्याचे दर कडाडले; आजचा 1 तोळ्याचा भाव वाचून डोकंच धराल

नाना पटोले आणि संजय राऊत यांच्यात याआधीही राजकीय मतभेद झाले आहेत. हरियाणात काँग्रेसचा पराभव झाल्यानंतर राऊतांनी मोठी प्रतिक्रिया दिली होती. त्यानंतर नाना पटोलेंनी राऊतांना जोरदार प्रत्युत्तर दिलं होतं. ते म्हणाले, संजय राऊतांनी कोणत्या आधारावर तसं म्हटलं मला माहित नाही. पण तुम्ही सार्वजनिकपणे आघाडीबाबत अशाप्रकारचे आरोप लावू शकत नाहीत.

हे ही वाचा >> Today Gold Rate: मतदान संपताच सोन्याचे दर कडाडले; आजचा 1 तोळ्याचा भाव वाचून डोकंच धराल

65 टक्के मतदान

बुधवारी पार पडलेल्या राज्याच्या निवडणुकीत यावेळी 65 टक्के मतदान झालं. भाजपच्या नेतृत्त्वातील महायुती सरकार स्थापन करण्याचा दावा करत आहे. तर विरोधी पक्ष महाविकास आघाडीने लोकसभा निवडणूक 2024 मध्ये चांगलं यश मिळवलं होतं. महाराष्ट्रात महायुतीच्या भाजप, शिवसेना, राष्ट्रवादी काँग्रेस पक्ष  आणि महाविकास आघाडीच्या काँग्रेस, शिवसेना ठाकरे गट आणि राष्ट्रवादी काँग्रेस पक्ष (शरदचंद्र पवार) यांच्यात काँटे की टक्कर पाहायला मिळणार आहे.