Maharashtra Elections : मराठवाड्यात यंदाही जरांगे पॅटर्न चालणार? या '10' मुद्द्यांची चर्चा : राजदीपचा रिपोर्ट

• मराठवाड्यात प्रमुख जिल्ह्यांमध्ये, तालुक्यांमध्ये गेली अनेक वर्ष हिंदू-मुस्लिम वाद हा निवडणुकांमध्ये महत्वाचा मुद्दा असायचा. सध्या मात्र ती दरी दिसली नाही. त्यामुळे याचा फटका धार्मिक ध्रुवीकरण करुन मतं मिळवण्याच्या प्रयत्नात असलेल्या पक्षांना बसू शकतो. 

• मराठवाड्यात गेल्या काही काळापासून आरक्षणाच्या मुद्द्याने रान पेटवलंय. मनोज जरांगे यांचं मराठा आरक्षणाचं आदोलन, त्याच्या उत्तरात उभं राहिलेलं ओबीसी आरक्षण बचाव आंदोलन, यामुळे जातीयवादाचा प्रश्न भीषण झालेला दिसतोय.

• मनोज जरांगे यांच्या आंदोलनाचा मोठा परिणाम लोकसभेला झाला होता. तसंच आता विधानसभेलाही जरांगे फॅक्टरला कमी लेखून चालणार नाही.  

• मनोज जरांगे विधानसभा निवडणूक लढणार होते, नंतर त्यांनी अखेरच्या दिवशी माघार घेतली. त्यामुळे मराठा समाजात मनोज जरांगेंबद्दल अविश्वासार्हता निर्माण झाली का? असा सवाल निर्माण होत होता. मात्र मनोज जरांगेंबाबत अजूनही विश्वास आहे.  

• लोकसभेला ज्याप्रमाणे महायुतीला फटका बसला, पण एकनाथ शिंदेंचे छत्रपती संभाजीनगरमध्ये एकनाथ शिंदेंचे उमेदवार संदिपान भुमरे निव़डून आले होते. यंदा मात्र, शिंदेंच्या शिवसेनेचे तसं आणि भाजपचे मराठा उमेदवार जिंकू शकतील असा अंदाज आहे. 

हे ही वाचा >>Maharashtra Elections : 70 मतदारसंघांमध्ये सोयाबीनच्या मुद्द्याची चर्चा, फटका कुणाला? राजदीपचा रिपोर्ट

• हिंदुत्वाचा मुद्दा छत्रपती संभाजीनगरमध्ये अजूनही महत्वाचा मानला जातोय. त्यामुळे शहरातील काही मतदारसंघांमध्ये याचा फटका बसण्याची शक्यता आहे. 

• अडीच वर्षांपूर्वी शिवसेनेत मोठी फूट पडली. छत्रपती संभाजीनगर जिल्ह्यातील पाच आमदार शिंदेंसोबत गेले. त्यामुळे उद्धव ठाकरेंच्या शिवसेनेसाठी यंदाची विधानसभा निवडणूक अस्तित्वाची लढाई असणार आहे.

• मराठवाड्यात हिंदुत्वाच्या मुद्द्यावर शिवसेना वाढली आहे. त्यामुळे महाविकास आघाडीमध्ये शिवसेनेने काँग्रेसमध्ये जाणं अनेकांना पटलेलं नाही. त्यामुळे याचा कसा परिणाम होतो ते पाहावं लागणार आहे. मात्र महाविकास आघाडी आणि महायुती अशा लढतीचा विचार केल्यास महाविकास आघाडीला फायदा होण्याची शक्यता आहे. वेगवेगळ्या मुद्द्यांचा एकत्रित फायदा महाविकास आघाडीला होऊ शकतो. 

• मराठवाड्यात कॉंग्रेसमध्ये स्फुर्ती निर्माण झाली असून, याला लोकसभेचं यश कारणीभूत असल्याची शक्यता आहे. मराठवाड्यात कॉंग्रेस जास्त ॲक्टीव्ह झाली असली तरी, विदर्भात ते प्रमाण कमी आहे.

• मराठवाड्यातून अनेकांना नोकऱ्यांसाठी बाहेर जावं लागतं. मोठ्या प्रमाणात मुंबई-पुण्यासारख्या शहरांमध्ये स्थलांतर होत असतं. त्यामुळे त्यामुळे काही प्रमाणात सरकारविरोधात रोष आहे. त्यामध्ये बौद्ध धर्मींयांसह मराठा समाजाचाही मोठा वर्ग आहे.