Video: 'महायुतीला मतदान केलं नाही तर 3000 वसूल करू...', भाजप महिला नेत्याचं धक्कादायक विधान

महायुती सरकारने मुख्यमंत्री माझी लाडकी बहीण योजना सुरु करून महिलांना दरमहा 1500 रुपये देण्याची तरतूद केली आहे. महिलांना आर्थिकदृष्ट्या सक्षम करण्यासाठी राज्य सरकारने ही योजना सुरु केली आहे. परंतु, या योजनेबाबत नेतेमंडळी बेताल वक्तव्य करताना दिसत आहेत. काही दिवसांपूर्वी भाजपचे खासदार धनंजय महाडिक यांनीही लाडकी बहीण योजनेबाबत वादग्रस्त विधान केलं होतं.

हे ही वाचा >> Narendra Modi: खुशखबर! PM नरेंद्र मोदींनी महिलांसाठी केली 'या' मोठ्या योजनेची घोषणा

त्यानंतर आता भाजपच्या महिला नेत्या मेघारानी जाधव यांच्य वक्तव्याची जोरदार चर्चा रंगली आहे.''बायकांनो तुम्हाला शपथ आहे, तुम्ही आता धनुष्यबाणालाच मतदान करायचं. जर नाही केलं आणि इकडे तिकडे काही कळालं...त्यांनी 1500 दिलेत, तुमच्याकडून 3000 रुपये वसूल करू", असं जाधव आपल्या भाषणात म्हणाल्या. 

हे ही  वाचा >> Lokpoll Survey: महायुती सरकारला धोका? मविआला किती जागा मिळणार? लोकपोलच्या सर्व्हेनं उडवली खळबळ

विधानसभा निवडणुकीत मुख्यमंत्री माझी लाडकी बहीण योजनेचा मुद्दा कळीचा बनला आहे. जवळपास 2.5 कोटींहून अधिक महिलांना या योजनेचा लाभ मिळाल्याचं महायुती सरकारकडून सांगण्यात येतंय. परंतु, महाविकास आघाडीसह इतर विरोधी पक्ष राज्य सरकारला या योजनेवरून धारेवर धरत आहेत. मतांच्या स्वार्थापोटी लाडकी बहीण योजना महायुतीने सुरु केलीय, असा आरोप विरोधी पक्ष करत आहेत. त्यामुळे लाडकी बहीण योजनेचा फायदा महायुतीला या निवडणुकीत कितपत होतो? हे पाहणं महत्त्वाचं ठरणार आहे.