Shiv Sena Uddhav Thackeray : शिवसेना मविआच्या बाहेर पडणार? राऊत-दानवेंची वेगवेगळी मतं? काय म्हणाले ऐका!

Maharashtra Politics : राज्याच्या विधानसभा निवडणुकांमध्ये महायुतीला घवघवीत यश मिळालं. महायुतीने तब्बल 233 पर्यंत मजल मारत महाविकास आघाडीला अक्षरश: धूळ चारली आहे. मात्र याचवेळी महाविकास आघाडीकडून राज्यातील या निकालामध्ये इव्हीएमची मोठी भूमिका असल्याचं म्हणत गंभीर आरोप केले आहेत. तर महायुतीने आपलं मायक्रो मॅनेजमेंटच या यशाचं कारण असल्याचं म्हटलं आहे. तर दुसरीकडे महाविकास आघाडीकडून या पराभवावर विचारमंथन करताना वेगवेगळे मुद्दे समोर येत आहेत. इव्हीएमसोबतच ठाकरेंच्या पराभूत आणि विजयी उमेदवारांकडूनही स्वतंत्र लढण्याची भावना व्यक्त करण्यात आल्याचं काल ठाकरेंच्या शिवसेनेचे नेते अंबादास दानवे म्हणाले होते. त्यावरुन वेगवेगळ्या चर्चा सुरू झाल्या. मात्र संजय राऊत यांनी आज अशा सर्व चर्चा आणि शक्यता नाकारल्या आहेत. तसंच हा काही लोकांच्या वैयक्तिक भूमिका असल्याचं म्हटलं आहे.