पद्मभूषण पंडित राजन मिश्रा यांचं निधन, दिल्लीतील रुग्णालयात घेतला अखेरचा श्वास

जाणून घ्या कोण होते राजन मिश्रा

राजन मिश्रा हे भारतातील प्रसिद्ध शास्त्रीय गायक होते. 1971 साली राजन-साजन या जोडीला पंतप्रधानांच्या हस्ते संस्कृत पुरस्कार मिळाला होता. तर 1994-95 साली त्यांना गंधर्व पुरस्कारने सन्मानित करण्यात आलं होतं. 2007 साली त्यांना भारत सरकारने कला क्षेत्रातील आपल्या कार्यासाठी पद्मभूषण पुरस्काराने सन्मानित केलं होतं. त्यांच्या गायनाचा संबंहा हा बनारस घराण्याशी होता.

राजन-साजन मिश्रा यांनी 1978 साली त्यांनी पहिल्यांदा श्रीलंकेत संगीत कार्यक्रम केला होता. जो त्यांचा पहिलाच परदेशातील संगीत कार्यक्रम होता. त्यानंतर जर्मनी, फ्रान्स, स्वित्झर्लंड, ऑस्ट्रिया, अमेरिका, ब्रिटन, नेदरलँड्स, यूएसएसआर, सिंगापूर, कतार, बांगलादेश यासह जगातील अनेक देशांमध्ये त्यांनी आपल्या श्रवणीय गायनाने रसिकांना तृप्त केलं होतं. (padma bhushan pandit rajan mishra passes away in delhi)

Padma Bhushan Pandit Rajan Mishra passes away due to a heart attack in St. Stephen's Hospital in Delhi, confirms his family member pic.twitter.com/PfALFKXhzy

— ANI (@ANI) April 25, 2021

माजी मंत्री संजय देवतळे यांचं निधन; कोरोनाच्या उपचारांदरम्यान हृदयविकाराचा झटका

राजन आणि साजन मिश्रा जोडी होती प्रसिद्ध

राजन आणि साजन मिश्रा दोघेही भाऊ होते. ते अनेकदा एकत्रच संगीताचे कार्यक्रम करायचे. या दोन्ही भावांनी जगभर प्रसिद्धी मिळविली होती. पंडित राजन आणि साजन मिश्रा यांचं असं मत होतं की, मानवी शरीर हे पाच घटकांनी बनलेले आहे. तसेच संगीताचे सात सूर हे ‘सारेगमपाधानी’ या पशु-पक्षींच्या सात संगीतमय आवाजाने बनलं आहे.

बनारस घराण्याचे ख्यातनाम गायक राजन मिश्रा यांच्या निधनामुळे अस्सल घराणेदार गायकास आपण मुकलो आहोत. पंडित राजन यांनी आपले भाऊ साजन यांच्या साथीने बनारस गायकीचा जगभर प्रसार आणि प्रचार केला आहे. शास्त्रीय संगीताला नवे आयाम मिळवून देण्यात त्यांचं मोठं योगदान आहे. त्यांच्या निधनाने भारतीय शास्त्रीय संगीत क्षेत्राची मोठी हानी झाली आहे.