Karnataka : ST Bus चालकाला कर्नाटकमध्ये काळं फासत धक्काबुक्की, कोल्हापुरातून कर्नाटकला जाणाऱ्या बस बंद

Maharashtra Karnataka Border Dispute : कर्नाटकमध्ये पुन्हा एकदा मराठी भाषिकांना त्रास देण्याचा प्रकार समोर आला आहे. एसटी बस चालक भास्कर जाधव यांना रोखून कन्नड बोलता येते का असं विचारत अपमानास्पद वागणूक देऊन त्रास दिल्याचं प्रकरण समोर आलं आहे. ही घटना काल रात्री 9 वाजता घडली. त्यानंतर आज सकाळपासून कोल्हापूर एसटी बस स्थानकावरून कर्नाटक राज्याकडे जाणाऱ्या सर्व एसटी बसेस थांबवण्यात आल्या आहेत. यामुळे प्रवाशांचा मात्र खोळंबा झाला आहे. आज सकाळपासून एकही बस कर्नाटकसाठी सोडण्यात आलेली नाही.