Nitin Gadkari: ‘विष खरेदी करायला पैसै आहेत का पाहा’, गडकरी भर सभेत हे काय बोलून गेले?

‘मी गुणवत्तेशी तडजोड नाही करणार. चांगली कामं झाली पाहिजे, आता मी पाहिला रस्ता.. हेलिकॉप्टरमधून उतरल्यानंतर.. असा घाणेरडा रस्ता होता की, बस्स… इकडे-तिकडे लोकं पाहत होते, मला वाटलं की लोकं माझ्याकडे पाहत आहेत. तर ते माझ्याकडे पाहत नव्हते तर ते खड्ड्यात पाय पडतोय का ते पाहत होते. म्हणून मागे-पुढे पाहत होते. मला पाटनी म्हणाले नगरपरिषदमध्ये पैसेच नाहीत. थोडं विष खरेदी करायला पैसे आहेत का पाहून घ्या..’ असं थेट नितीन गडकरी यांनी वाशिमच्या सभेतून जनप्रतिनिधींना ऐकवलं आहे.

हे ही वाचा>> Kiran Samant : उदय सामंतांच्या भावाच्या स्टेट्सला ठाकरेंची मशाल, कारण काय?

नेमकं काय-काय म्हणाले नितीन गडकरी?

ठेकेदारांना त्रास देऊ नका.. मी वाशिम जिल्ह्यातील सर्व आमदार, खासदार व अधिकाऱ्यांना विनंती करतो, मी ठेकेदारावर दबाव टाकून काम मार्गी लावेन, पण कृपया ठेकेदाराला त्रास देऊ नका. पण जर रस्ता खचला तर बुलडोझरने तो पाडून टाकेन. अशी तंबीही गडकरींनी सर्व कंत्राटदारांना यावेळी दिली आहे.

मी कोणताही दिखाऊपणा केलेला नाही. आत्तापर्यंत मी 50 लाख कोटी रुपयांची कामे दिली आहेत पण एकाही कंत्राटदाराला कंत्राट मिळविण्यासाठी माझ्या घरी येण्याची गरज पडलेली नाही.

हे ही वाचा>> उत्तर दिलं नाही म्हणून विद्यार्थ्यासोबत असं काही केलं की शिक्षिकेला झाली अटक

पाटनी कमर्शियल कॉम्प्लेक्स, रिसोड मार्ग, वाशिम येथे आयोजित कार्यक्रमात तीन टप्प्यात पूर्ण झालेल्या राष्ट्रीय महामार्ग क्रमांक 161 चे उद्घाटन करण्यासाठी केंद्रीय मंत्री नितीन गडकरी आज आले होते. 3694 कोटी रुपये खर्चून बांधलेल्या 133.85 किमी लांबीच्या राष्ट्रीय महामार्गाचे उद्घाटन केल्यानंतर नितीन गडकरी बोलत होते. पण त्यावेळी त्यांनी वाशिममधील खराब रस्त्यांवरून बरीच टीका केली. ज्याची आता सोशल मीडियावर खूप जोरदार चर्चा सुरू आहे.