Nashik : भिंतीत लपवल्या नोटा, नाशिकमध्ये ज्वेलर्स मालकाच्या घरात 26 कोटींचे घबाड

Surana Jewellers : नाशिकच्या सुराणा ज्वेलर्सवर आयकर विभागाने (Income Tax) छापा टाकून बेहिशेबी मालमत्ता उघडकीस आणली आहे. या छाप्यात 26 कोटी रोख रक्कम आणि 90 कोटी रूपयांच्या बेहिशेबी मालमत्तेशी संबंधित कागदपत्रे जप्त करण्यात आली. गेल्या तीन दिवसांपासून या सराफा व्यावसायिकाच्या दुकानावर आणि डेव्हलपर्सच्या कार्यालयात आयकर विभागाकडून तपास सुरु होता. या तपासादरम्यान भिंत आणि फर्निचर फोडून आयकर विभागाने बेहिशेबी मालमत्ता जप्त केली आहे. त्यामुळे नाशिकमध्ये एकच खळबळ माजली आहे.  (income tax raids surana jewellers in nashik seizes 26 crore cash and property worth 90 crore)
 
नाशिकच्या कॅनडा कॉर्नर येथे असलेल्या सुराणा ज्वेलर्सवर मालकाने केलेल्या कथित अज्ञात व्यवहाराच्या तपासासाठी मोठा छापा टाकण्यात आला होता. आयकर विभागाने एकाचवेळी ज्वेलर्सच्या दुकानावर आणि मालकाच्या घरावर छापे टाकले होते. यावेळी तीन दिवसांच्या तपासानंतर आयकर विभागाने 26 कोटी रूपये रोख आणि 90 कोटी रूपयाची बेहिशेबी मालमत्ता जप्त केली आहे.