Crime : मुलगी दलित मुलाच्या प्रेमात, बापाने फावड्याने दोघांचेही केले तुकडे

कुटुंबीयांची अब्रू गेली

पोलिसांनी सांगितले की, आरोपी महेशची मुलगी नीतू ही गावातील एका दलित मुलाच्या प्रेमात पडली होती. त्यामुळे कुटुंबीयांचा बदनामी झाल्याचा राग मुलीच्या वडिलाच्या मनात होता. त्या दोघांचे प्रेमप्रकरण घरात समजले होते. त्यानंतर वडिलांनी मुलीला आणि मुलालाही समज दिली होती. मात्र तरीही ती दोघं एकमेकांना भटेत होती, त्यामुळे आपली अब्रू जात असल्याचे मत मुलीच्या वडिलांचे होते. त्याच रागातून मुलीच्या वडिलाने मुलीचा प्रियकर सचिन (वय 20) आणि मुलगीची फावड्याने हत्या केली.

हे ही वाचा >> महाराष्ट्रात राजकीय भूकंप होणार! शिंदेचे 7 खासदार, तर काँग्रेसचे 9 नेते भाजपच्या वाटेवर

मध्यरात्री सचिन घरात घुसला

या प्रकरणाची माहिती देताना पोलिसांनी सांगितले की, सचिन सोमवारी मुलीला भेटण्यासाठी मध्यरात्री तिच्या घरी गेला होता. नितूच्या घरी गेल्यानंतर ती दोघंही घराबाहेर बोलत बसली होती. मात्र पहाटे साडेचार वाजता ती दोघं बोलत बसल्याचे त्यांच्या घरात्यांचे लक्षात आले.

फावड्याने तुकडे केले

सचिन घराच्या अंगणात आल्याचे समजताच घरातील सगळ्यांनी त्याच्यावर हल्ला केला. त्यावेळी मुलीच्या वडिलांनी घरातील फावडा आणून आधी मुलीची हत्या केली त्यानंतर सचिनचेही त्याच फावड्याने तुकडे केले. त्यानंतर रक्ताच्या थारोळ्यात दोघांनाही टाकून वडिलाने पोलीस ठाणे गाठले आणि आपण दोघांची हत्या केल्याचे सांगितले.