Raj Thackeray Dombivali : हिंदुहृदयसम्राट काढलं, जनाब लावलं.... पहिल्याच सभेत उद्धव ठाकरेंवर वार, शिंदे-अजितदादांनाही टोले

 

राज ठाकरे नेमकं काय म्हणाले?

 

हे ही वाचा >>Kolhapur: '%# मारायला... मला तोंडघशी पाडलं, दम नव्हता तर...', सतेज पाटलांचा पारा एवढा का चढला?

 

ज्या काँग्रेस आणि राष्ट्रवादीविरोधात निवडणुका लढल्या, त्यांच्यासोबत जाऊन बसले उद्धव ठाकरे. कारण सांगितलं की अमित शाहांनी शब्द पाळला नाही. पण उद्धव ठाकरेंसमोर नरेंद्र मोदी, अमित शाह सांगितलं होतं की, देवेंद्र फडणवीस आमचे पुढचे मुख्यमंत्री असतील. मग तुम्ही तिथेच आक्षेप का नाही घेतला असं म्हणत उद्धव ठाकरे यांना सवाल केला. जेव्हा उद्धव ठाकरेंना कळालं की, आमच्याशिवाय भाजपचा मुख्यमंत्री होत नाही, तेव्हा उद्धव ठाकरे म्हणाले अडीच वर्ष मुख्यमंत्रीपद द्या, नाही तर आम्ही वेगळी भूमिका घेऊ. पण उद्धव ठाकरे राष्ट्रवादी, काँग्रेससोबत गेल्यावर त्यांनी बाळासाहेब ठाकरे यांच्या नावासमोरचं हिंदुहृदयसम्राट हे नाव काढून टाकलं. काही बॅनरर्सवर जनाब बाळासाहेब ठाकरे लिहिलं. स्वत:च्या स्वार्थासाठी, खुर्चीसाठी एवढ्या खालीपर्यंत गेला तुम्ही? असं म्हणत राज ठाकरेंनी उद्धव ठाकरे यांच्यावर हल्लाबोल केला.  

 

राजू पाटलांचं कौतुक, शिंदे अजितदादांवर निशाणा

 

हे ही वाचा >>Vidhan Sabha Election : अर्ज मागे घेण्याची मुदत संपली, 24 मतदारसंघांमध्ये शेवटच्या क्षणी मोठ्या घडामोडी, वाचा एका क्लिकवर

 

आमचा राजू विधानसभेत एकटा होता. मला त्याचा अभिमान आहे, कारण तो विकणारा नाही, टीकणारा होता. सहज माझी पक्ष, निशाणी घेऊन गेला असता, पण माझ्या सहकाऱ्यांच्या डोक्यात या गोष्टी येत नाहीत असं राज ठाकरे म्हणाले. शिवसेना आणि धनुष्यबाण ही कुणाची प्रॉपर्टी नाही असं म्हणत शिंदे आणि ठाकरेंवर सोबतच निशाणा साधला. तसंच शरद पवार यांच्याशी कितीही मतभेद असले तरी, राष्ट्रवादी हे शरद पवार यांचंच अपत्य आहे असं राज ठाकरे म्हणाले. 

एकनाथ शिंदेंच्या स्टेजवर भोजपूरी गाण्यावर डान्स 

 

मला कुणीतरी एक क्लिप पाठवली, त्यात मुख्यमंत्र्यांच्या सभेत, त्यांच्या भाषणापूर्वी लोकांचं मनोरंजन व्हावं म्हणून भोजपुरी गाण्यावर एक महिला नाचतेय. त्या स्टेजवर शिंदेंचं नाव होतं... ही लाडकी बहीण योजना आहे का? अशा प्रकारे मुली आणून नाचवणं वगैरे हे आपल्याकडे कधीच नव्हतं... हे तिकडे युपी बिहारकडे चालतं. एकनाथ शिंदेंनी यावर लक्ष घातलं पाहिजे. म्हातारी मेल्याचं दु:ख नाही पण काळ सोकावतो असं राज ठाकरे म्हणाले.