गर्भवती वहिनीवर जडलं प्रेम, माहेरी जायला निघाल्यामुळे गळा आवळून केली हत्या

पोलिसांनी दिलेल्या माहितीनुसार, संजय सोनकर हा व्यक्ती आपली 20 वर्षीय पत्नी कोमलसोबत कुर्ला भागात राहत होता. संजय आणि त्याचा मामेभाऊ अर्जुन हे कॉटन ग्रीन भागात एका चहाच्या दुकानात कामाला होते. अर्जुनही संजय आणि आपल्या वहिनीसोबत रहायचा. याच दरम्यान अर्जुनचं आपली वहिनी कोमलवर प्रेम जडलं होतं.

Crime: 22 वर्षीय विवाहितेवर सामूहिक बलात्कार, बीड जिल्हा पुन्हा हादरला

गुन्हा घडल्याच्या दिवशी आरोपी अर्जुन दुपारी 12 वाजल्याच्या दरम्यान घरी आला आणि काही वेळातच निघून गेला. थोड्यावेळाने शेजारील महिलांनी सोनकर यांच्या घरातून आवाज येत नसल्यामुळे दरवाजा तोडून आत प्रवेश केला असता त्यांना कोमल जमिनीवर पडलेली पहायला मिळाली. कोमलच्या तोंडातून रक्त येत होतं. यानंतर शेजारील व्यक्तींनी कुर्ला पोलिसांना याची माहिती देत अर्जुनबद्दलही सांगितलं.

Crime: डॉक्टर प्रियंकाची आत्महत्या नाही, तर डॉक्टर पतीनेच ‘यांच्या’ साथीने केली हत्या

पोलिसांनी मृतदेह ताब्यात घेऊन पोस्टमार्टमसाठी रुग्णालयात पाठवला. यानंतर पोलिसांनी सूत्र हलवत पुढील दोन ते तीन तासात आरोपी अर्जुनला चौकशीसाठी ताब्यात घेतलं. यावेळी अर्जुनने आपला गुन्हा मान्य केला. पोलिसांनी दिलेल्या माहितीनुसार, कोमल आपल्या घरी जाण्यासाठी निघालेली असताना अर्जुन तिला घरी जाऊ नको असं म्हटत होता. यावेळी दोघांमध्ये जोरदार भांडणं झालं ज्यात अर्जुनने कोमलची गळा आवळून हत्या केली. ज्यात कोमलच्या पोटातील गर्भाचाही मृत्यू झाला आहे. पोलिसांनी आरोपी अर्जुनवर हत्येचा गुन्हा दाखल करत त्याला अटक केली आहे.

डोक्यात दगड टाकून 28 वर्षीय तरुणाची हत्या, मोबाइलवर बोलण्याच्या वादातून मित्राला संपवलं