Amitabh Bachchan : ‘बिग बीं’चा आवाज, फोटो, नाव वापरणं महागात पडेल, उच्च न्यायालयानेच दिले आदेश

मात्र, यात अमिताभ बच्चन यांना दिलासा मिळाला आहे. न्यायमूर्ती चावला यांनी प्राधिकरण आणि दूरसंचार विभागाला अमिताभ बच्चन यांचे नाव, फोटो आणि व्यक्तिमत्वाची ट्रेट्स तात्काळ काढून टाकण्याचे आदेश दिले आहेत जे सार्वजनिकरित्या उपलब्ध आहेत. याशिवाय बच्चन यांच्या नावाचा आणि आवाजाचा बेकायदेशीर वापर करणाऱ्या दूरसंचार सेवा पुरवठादारांना त्या फोन नंबरची माहिती देण्यास कोर्टाने सांगितले आहे. याशिवाय इंटरनेट सेवा पुरवठादारांना बच्चन यांच्या व्यक्तिमत्त्वाचे हक्क खराब करणाऱ्या ऑनलाइन लिंक्स काढून टाकण्यासही सांगण्यात आले आहे.

काय होतं संपूर्ण प्रकरण?

वास्तविक, काही कंपन्या अमिताभ बच्चन यांचे नाव, आवाज आणि व्यक्तिमत्त्वाचा चुकीच्या पद्धतीने वापर करत आहेत. जे हे करत आहेत ते चुकीचे असल्याचे अभिनेत्याने याचिकेत म्हटले आहे. व्यावसायिक उद्योगात त्यांचे नियंत्रण केले पाहिजे. सोशल मीडिया प्लॅटफॉर्मवर अमिताभ बच्चन यांच्या नावाने एक लॉटरीची जाहिरातही चालू आहे, जिथे त्यांचा फोटो प्रमोशनल बॅनरवर प्रदर्शित झाला आहे. याशिवाय त्यावर KBC चा लोगोही आहे. हे बॅनर लोकांची दिशाभूल करण्यासाठी कोणीतरी तयार केले आहे.

अमिताभ बच्चन यांच्या वतीने ज्येष्ठ वकील हरीश साळवे यांनी याचिका मांडली. त्यांनी न्यायमूर्ती चावला यांना सांगितले की, माझ्या अशिलाच्या व्यक्तिमत्त्वाच्या अधिकारांचे उल्लंघन केले जात आहे. कोणत्याही जाहिरातीत आपले नाव, आवाज आणि व्यक्तिमत्त्व वापरले जाऊ नये, अशी त्याची इच्छा आहे. त्यामुळे त्यांची प्रतिमा खराब होत आहे.

अमिताभ बच्चन हे एक मोठे सेलिब्रिटी आहेत. अशा परिस्थितीत त्यांचे नाव कोणत्याही प्रकारच्या प्रचारात वापरता येणार नाही. अभिनेत्याने जाहिरात कंपन्यांवर प्रसिद्धीच्या अधिकारांचे उल्लंघन केल्याचा आरोप केला आहे. अमिताभ बच्चन यांच्या वकिलानेही न्यायालयाला सांगितले की, अभिनेता हे प्रसिद्ध व्यक्तिमत्त्व आहे. जाहिरातीत त्यांचे प्रतिनिधित्व करणे, तेही त्यांच्या परवानगीशिवाय, चुकीचे आहे. जाहिरात कंपन्यांना अमिताभ बच्चन यांचे नाव आणि आवाज वापरायचा असेल तर ते अभिनेत्याच्या परवानगीनेच करू शकतात. अन्यथा अमिताभ बच्चन यांचे नाव कोणत्याही प्रकारच्या सेवेत वापरले जाऊ नये, असं सांगण्यात आलं आहे.