सर्वज्ञानींच्या झंजावाती दौऱ्यांचा परिणाम! निकालांवर चित्रा वाघ यांचा राऊतांना खोचक टोला

सर्वज्ञानींच्या झंजावाती दौऱ्याचा परिणाम – शिवसेनेच्या गोवा, युपी उमेदवारांचं डिपॉझिट जप्त होताना दिसत आहे. झुकेगा नही…जब तक महाराष्ट्र में इसी तरह शिवसेना का सुपडा साफ़ नहीं करतां -इति सर्वज्ञानी असं ट्विट करत चित्रा वाघ यांनी राऊतांवर निशाणा साधला आहे.

याचसोबत एकटे देवेंद्र फडणवीस काय करणार असं विचारणाऱ्यांना चित्रा वाघ यांनी आपल्या खास शैलीत उत्तर दिलं आहे.

चित्रा वाघ यांच्यासोबत भाजप आमदार नितेश राणे यांनीही आदित्य ठाकरेंवर निशाणा साधला आहे.

गोव्यात यंदाच्या निवडणुकीत शिवसेनेकडून आदित्य ठाकरे, संजय राऊत आणि अन्य नेत्यांनी तळ ठोकला होता. अनेक मतदारसंघात आदित्य ठाकरेंनी सभाही घेतल्या होत्या. परंतू मतदारांना शिवसेनेने प्रतिसाद दिलेला दिसत नाहीये. निवडणुक आयोगाच्या संकेतस्थळावर दिलेल्या आकडेवारीनुसार गोव्यात शिवसेनेला 0.18 तर राष्ट्रवादी काँग्रेसला 1.11 टक्के मत मिळाली आहेत. या दोन्ही पक्षांना मिळालेल्या मतांपेक्षा गोव्यात लोकांनी NOTA ला जास्त मत दिली आहेत. गोव्यात NOTA ला मिळालेली मत 1.12 टक्के इतकी आहेत.