लसीकरणाबाबत अदर पूनावालांनी दिली आणखी एक गुड न्यूज!

सीरम इन्स्टिट्यट ऑफ इंडिया ही जगातली सर्वात मोठी लस उत्पादक कंपनी आहे. या कंपनीने ऑक्सफोर्ड युनिव्हर्सिटी सोबत विकसित केलेली कोव्हिशिल्डची लस ही सध्या भारतात दिली जाते आहे . लसींचा तुटवडा होण्याची कोणतीही शक्यता नाही असंही कंपनीने स्पष्ट केलं आहे. भारतातील लसीकरण सध्या योग्य दिशेने सुरू आहे. अशात सीरमच्या दुसऱ्या लसीच्या चाचण्या भारतात सुरू होणं ही बाब नक्कीच महत्त्वाची आहे. गुरुवारी पुण्यातील रूग्णालयात या नव्या लसीच्या चाचण्या सुरू झाल्या आहेत.

‘१ एप्रिलपासून ४५ पेक्षा जास्त वय असलेल्या सगळ्यांना कोरोना प्रतिबंधक लस मिळणार’

मंगळवारीच केंद्रीय मंत्री प्रकाश जावडेकर यांनी एक महत्त्वाची घोषणा केली. ४५ वर्षांवरील सगळ्यांना लस देण्यात येणार असल्याची घोषणा त्यांनी केली. १ एप्रिलपासून ४५ वर्षांवरील सगळ्यांना लस देण्यात येणार आहे. त्याआधी सीरम इन्स्टि्युटच्या दुसऱ्या लसीचं टेस्टिंग सुरू होणं ही महत्त्वाची बाब आहे.