रायगड : ND स्टुडीओ ला लागलेली आग नियंत्रणात

ND स्टुडीओमधील जोधा अकबर चित्रपटाचा सेट आहे. यामधील किल्ल्याच्या सेटजवळील फायबर मूर्तींच्या गोडाउनजवळ ही आग लागल्याचं कळतंय. आग लागल्याची बातमी समजताच अग्नीशमन दलाला तात्काळ पाचारण करण्यात आलं. अग्नीशमन दलाने या आगीवर नियंत्रण मिळवण्यात यश मिळवलं आहे. या आगीचं नेमकं कारण अद्याप समजू शकलेलं नसलं तरीही सेटमागे असलेल्या गवताला वाढत्या उन्हामुळे आग लागली आणि ती आग सेटपर्यंत पोहचली असा अंदाज व्यक्त करण्यात येतो आहे. या आगीत ND स्टुडीओचं मोठं आर्थिक नुकसान झालं आहे.