अकोला जिल्ह्याला अतिवृष्टीचा इशारा, ७७ गावांना बसू शकतो पुराचा फटका

अकोला जिल्ह्यातील बार्शीटाकळी, तेल्हारा, बाळापूर, पातूर या तालुक्यातील ७७ गावांना पुराचा धोका आहे. नागपूर आणि पुणे वेधशाळेने याबद्दलचा अंदाज वर्तवला आहे. यासाठी ७७ गावांमध्ये तात्पुरते निवारे उभे करण्याचे आदेश देण्यात आले आहेत. रबर बोट, लाईफ जॅकेट व इतर साधनसामग्री जिल्हा प्रशासनाने आपत्ती व्यवस्थापन विभागासाठी तयार ठेवली आहे.

याव्यतिरीक्त गरज लागल्यास पुणे आणि नागपूर येथील एनडीआरएफच्या पथकांचीही शोधकार्यासाठी मदत घेतली जाणार आहे. यासाठी जिल्हा प्रशासन एनडीआरएफशी संपर्कात असून संभाव्य धोका टाळण्यासाठी आवश्यक त्या सर्व उपाययोजना केल्या जात आहेत.