पुणे : आई-वडील गमावलेल्या 9 वर्षीय पुतणीवर काकाकडून 3 वर्षांपासून लैंगिक अत्याचार

पुणे: पुण्यातील वडगाव येथे एक अत्यंत संतापजनक आणि धक्कादायक घटना घडली आहे. तब्बल तीन वर्षापासून 9 वर्षाच्या पुतणीवर काकाने लैंगिक अत्याचार करीत असल्याची घटना समोर आली आहे. या घटनेमुळे एकच खळबळ उडाली आहे. दरम्यान, आता वडगाव येथून आरोपीला अटक करण्यात आली आहे.

पोलिसांनी दिलेल्या माहितीनुसार, पीडित 9 वर्षीय मुलीच्या आई वडिलांचे निधन चार वर्षापुर्वी झाले होते. त्यानंतर ती आणि तिचा भावा आरोपी काकाच्या घरी राहण्यास आले होते. त्यानंतर म्हणजे साधारणपणे 2018 डिसेंबर ते आजअखेर तिच्यावर आरोपी काकाने तब्बल 3 वर्ष सतत लैंगिक अत्याचार करत होता.

दरम्यान, यावेळी आरोपी काकाने अशी धमकी दिली की, ‘जर तू हे कोणाला सांगितले. तर मी तुझ्या भावाला मारून टाकेन’, दरम्यान, हा संपूर्ण प्रकार असह्य झाल्याने अखेर पीडित 9 वर्षीय मुलीने हा प्रकार इमारती मधील एका महिलेला सांगितला.

त्यानंतर त्या महिलेने पोलिसात येऊन तक्रार देताच, आरोपी काका विरोधात गुन्हा दाखल करुन अटक करण्यात आली आहे. अशी माहिती सिंहगड पोलिसांनी दिली आहे.

पुण्यात घडली होती लज्जास्पद घटना

काही दिवसांपूर्वीच पिंपरी चिंचवडमध्ये बलात्काराची घटना घडली होती. अल्पवयीन मुलीवर तिच्या वडिलांनी बलात्कार केल्याचा संतापजनक प्रकार समोर आला होता. बापाने पीडितेच्या दोन भावंडांना बाहेर खेळण्यास पाठवलं.

त्यानंतर तू वयात आली आहे की नाही, असं म्हणून पीडितेवर बलात्कार केला होता. धक्कादायक म्हणजे या कृत्याची कुठेही वाच्यता करून नये म्हणून आरोपीनं मुलीला मारहाण करत जिवे मारण्याची धमकी दिली होती. दुपारी झालेला हा सगळा प्रकार शेजारच्यांनी सायंकाळी कामावरून घरी आलेल्या तिच्या आईला सांगितला. त्यानंतर घडलेली घटना ऐकून पीडितेच्या आईला धक्काच बसला.

दुकानदाराची नियम फिरली; पेन घेण्यासाठी आलेल्या मुलीवर केला बलात्कार

राज्यात लागोपाठ महिला, मुलींवर अत्याचाराच्या घटना घडत असून, बीड (beed) जिल्ह्यात अशीच एक भयंकर घटना घडली आहे. एका ऊसतोड कामगाराच्या (sugarcane worker) मुलीवर दुकानदाराने बलात्कार केल्याची संतापजनक प्रकार समोर आला आहे.

डोंबिवलीत पिंपरी चिंचवडच्या घटनेची पुनरावृत्ती! नरामधम बापाचा 9 वर्षाच्या मुलीवर बलात्कार

13 वर्षांची पीडित मुलगी पेन आणण्यासाठी दुकानात गेली होती. यावेळी वासनांध झालेल्या दुकानदाराने तिच्यावर अत्याचार केला. या प्रकरणी पोलिसांनी आरोपीला बेड्या ठोकल्या आहेत.

वडवणी तालुक्यातील एका गावात 13 वर्षीय पीडित मुलीचे आईवडील साखर कारखान्यांचा गाळप हंगाम सुरू झाल्याने ऊसतोडीला गेले आहेत. पीडित मुलगी नातेवाईकांकडे राहते. 30 ऑक्टोबर रोजी अल्पवयीन पीडिता गावातील किराणा दुकानात पेन आणण्यासाठी गेली होती. यावेळी दुकानात बसलेल्या 20 वर्षीय नराधमाची नियत ढळली.

पेन घेण्यासाठी आलेल्या पीडितेला आरोपीने चाकूचा धाक दाखवला. त्यानंतर दुकानाच्या मागच्या बाजूला घेऊन गेला आणि पीडितेवर अत्याचार केला. या घटनेची माहिती पीडितेनं घरी आल्यानंतर तिच्या काकूला दिली. त्यानंतर तिच्या काकूने घडलेला सर्व प्रकार पीडितेच्या आईवडिलांना सांगितला.