पुण्यात रिक्षाचा प्रवास महागला, किमान भाडे आता 21 रूपये

14 ऑक्टोबरलाच झाली होती भाडेवाढ

पुण्यातल्या रिक्षा भाड्यामध्ये 14 ऑक्टोबरलाच वाढ झाली आहे. ही भाडेवाढ पुणे, पिंपरी-चिंचवड आणि बारामती या तिन्ही क्षेत्रांसाठी लागू असणार आहे. पुणे परिवहन कार्यालयातर्फे याबद्दलची माहिती देण्यात आली होती. आता आज पुन्हा एकदा भाडेवाढ झाली आहे.

महापालिका क्षेत्रात रात्री 12 ते पहाटे 5 या कालावधीत 25 टक्के भाडेवाढ अनुज्ञेय असणार आहे.

महापालिका क्षेत्र सोडून ग्रामीण भागासाठी रात्री 12 ते पहाटे 5 या कालावधीत 40 टक्के अतिरिक्त भाडेवाढ अनुज्ञेय

प्रवाशांसोबत असलेल्या सामानासाठी 60 40 सेमी किंवा त्यापेक्षा मोठ्या आकाराच्या मोठ्या नगाच्या बॅगेसाठी ३ रूपये शुल्क लागणार आहे.

22 नोव्हेंबपासून जे ऑटो रिक्षाचालक पुनःप्रमाणीकरण करून घेतील त्याच रिक्षा धारकांना ही भाडेवाढ करता येणार आहे.

जे रिक्षाचालक पुनःप्रमाणीकरण करणार नाहीत त्यांच्यावर कारवाई केली जाणार आहे.