जळगाव : पपईने भरलेल्या ट्रकचा अपघात, १५ मजूर ठार

मिळालेल्या माहितीनुसार धुळ्यावरुन एक आयशर ट्रक पपई घेऊन रावेरच्या दिशेने जात होता. यावल तालुक्यातील किनगाव जवळ ट्रक आल्यानंतर चालकाचा ताबा सुटल्यामुळे ट्रक उलटला. या प्रवासादरम्यान सर्व मजुर हे ट्रकमध्येच झोपले होते, अपघातानंतर ट्रकमध्ये ठेवण्यात आलेल्या पपईच्या ढिगाखाली हे मजुर सापडल्यामुळे त्यांना आपले प्राण गमवावे लागले.

घटनेची माहिती मिळताच जळगाव ग्रामीण पोलीस घटनास्थळी पोहचले असून अपघाताता जखमी झालेल्या दोघांना ग्रामीण रुग्णालयात भरती करण्यात आलं आहे. या अपघाताचं नेमकं कारणं अद्याप समजू शकलेलं नाही.