Eknath shinde : अजित पवार, देवेंद्र फडणवीस कार्यक्रमाला का होते गैरहजर?

दोन्ही उपमुख्यमंत्र्यांची अनुपस्थिती

महाराष्ट्रात सध्या शासन आपल्या दारी हा कार्यक्रम जोरदारपणे सुरु आहे. त्यामुळे हा कार्यक्रम आता बुलडाण्यालाही मोठ्या उत्साहात घेण्यात आला. मात्र या कार्यक्रमाला सरकारमधीलच दोन्ही उपमुख्यमंत्री देवेंद्र फडणवीस आणि अजित पवार यांची उपस्थित दिसून आली नाही. त्यावर बोलताना एकनाथ शिंदे अनुपस्थितीचे कारण सांगितले.

हे ही वाचा >> Maratha Morcha : उदयनराजेंनी उद्धव ठाकरेंच्या सरकारवरच फोडलं खापर, म्हणाले…

…म्हणून हे आले नाहीत

एकनाथ शिंदे यांनी यावेळी म्हणाले की, काही लोकं आता मुख्यमंत्री एकनाथ शिंदे यांच्या कार्यक्रमाला उपमुख्यमंत्री देवेंद्र फडणवीस आणि अजित पवार हेही उपस्थित नव्हते असं सुरु करतील. मात्र त्यातील खरी गोष्ट ही आहे की, देवेंद्र फडणवीस यांचा नियोजित दौरा होता. त्यामुळे ते सध्या लेह-लडाक दौऱ्यावर आहेत. तर उपमुख्यमंत्री अजित पवार यांची तब्बेत बरी नसल्यामुळे ते या दौऱ्यावर आले नाहीत.

सरकार फेव्हिकॉलचा मजबूत जोड

सरकारमधील दोन्ही उपमुख्यमंत्री शासन आपल्या दारी कार्यक्रमाला उपस्थित नसल्याचे सांगत लोकं आता काहीही सांगतील. मात्र आमचे सरकार फेव्हिकॉलचा मजबूत जोड आहे, सरकार घट्ट आहे असंही देखील त्यांनी सांगितले.