CM Devendra Fadnavis : "लाडक्या बहिणींना मदत करतोय आणि...", शिर्डीत CM देवेंद्र फडणवीसांचं मोठं विधानं!

आपण पाहतो जी-20, जी-7 असतं, तसं भारतीय जनता पक्षाचं जी-6 तयार झालं आहे. जे लगातर तीनवेळा जिंकले, त्या राज्यांच्या म्हणजे गुजरात, मध्य प्रदेश, गोवा, छत्तीसगढ आणि हरियाणा यांच्यासोबत आता महाराष्ट्रदेखील जोडलेला आहे. ज्याने तिसऱ्यांदा जिंकण्याची हॅट्ट्रिक केली आहे.
जे काही घोषणापत्रात सांगितलेलं आहे. ते देखील पूर्ण करण्याचा प्रयत्न निश्चितपणे करणार आहोत. लाडक्या बहिणींना मदत करतोय, यापुढेही करणार आहे. आता सरकार आलेलं आहे. हे आपल्या महायुतीचं सरकार आहे.

हे ही वाचा >>  Suresh Dhas : "दलित समाजाचा सरपंच, जागेवर खात्मा केला गेला...", बीड सरपंच अपघातावर काय म्हणाले धस?

ज्यांना श्रद्धा आणि सबुरी समजलं नाही, त्यांची हालत बुरी झाली. हे आपण या विधानसभेत बघितलं आहे. महाकुंभाचं पर्व आपल्या देशात सुरु होत आहे. महाकुंभाचं अमृत पुन्हा एकदा प्राप्त करण्यासाठी हजारो लोक महाकुंभात एकत्रित होणार आहेत. अशा काळात हा विजय आपल्याला मिळाला आणि महाविजयाचं अधिवेशन आपण करत आहोत. महाराष्ट्राच्या जनतेनं तीन वेळा भारतीय जनता पक्षाला शंभर पेक्षा जास्त जागा दिल्या. गेल्या तीस वर्षाच्या महाराष्ट्राच्या इतिहासात शंभर पेक्षा जास्त जागा मिळवणारा एकमेव पक्ष कोणता असेल, तर तो तुमचा आणि आमचा भारतीय जनता पक्ष आहे, असंही देवेंद्र फडणवीस म्हणाले.

हे ही वाचा >> Beed Sarpanch Accident : राखेची वाहतूक करणाऱ्या ट्रकने उडवलं, बीडमध्ये पुन्हा एका सरपंचाचा मृत्यू, अपघात की...