Exclusive: 'धनू भाऊ दिसत असून आंधळं झाला का? तुमचं 54 हजार फुटावरचं विमान जरा...', सुरेश धस तुफान बरसले

बीड जिल्ह्यात जे गुन्हे घडतायेत त्याला वाल्मिक कराड जबाबदार असल्याचं म्हणत सुरेश धस यांनी थेट धनंजय मुंडेंना निशाणा साधला. पाहा मुंबई Tak ला दिलेल्या मुलाखतीत धस नेमकं काय म्हणाले.

सुरेश धस यांची धनंजय मुंडेंवर तुफान टीका

'राज्याचे मुख्यमंत्री फडणवीसांनी स्पष्टपणे सांगितलं आहे की, मी कोणालाही सोडणार नाही. जी मागणी केली आहे की, एसआयटी नेमताना आयजी स्तरावरील अधिकारी असावा. ही मागणी मी केली होती.'

हे ही वाचा>> Dhananjay Munde Beed : बीडचं पालकमंत्रीपद धनंजय मुंडेंच्या हातातून जाणार का? CM फडणवीस, अजितदादा काय निर्णय घेणार?

'धनंजय मुंडे साहेब अजून 54 हजार फुटावर आपलं विमान असतं ना.. म्हणजे विमान जे आहे ते 54 हजार फुटावर आहे. तसं मला वाटतं की, धनंजय मुंडे साहेबांचं विमान हे 54 हजार फुटापेक्षा 1 लाख 8 हजार फुटावर गेलं आहे. माझी अजून त्यांना विनंती आहे की, धनूभाऊ तुम्ही असे नव्हते ओ...' 

'आता तुमचा जो झालेला आहे उद्योग... कुठे पालकमंत्री पद आणि काय.. तुम्ही पालकमंत्री झाले काय किंवा आणखी कोणी काय झाले. काय फरक पडणार आहे? तुम्ही जे पालकमंत्री पद भाड्याने दिलं त्यामुळे तर हे उद्योग झाले ना..' 

'मागच्या 5 वर्षातले मधला काही काळ... जुलै 2022 ला सरकार आलं आणि त्यानंतर अजितदादा सरकारमध्ये आले. त्या मधल्या काळातील सावे साहेबांचा काळ सोडता. मागचे पाच वर्ष तुम्ही (धनंजय मुंडे) पालकमंत्री आहात.' 

'पालकमंत्री पद तुम्ही भाड्याने दिलं.. या आकाकडे.. या आकांनी काय-काय उद्योग केलेत तुम्हाला माहिती आहेत का? तुम्हाला बहुतेक सगळंच माहिती आहे. पण तुम्ही दिसत असून आंधळं झालात. अजूनही तुम्हाला कळेना.. तुमच्या अंगातील उन्माद, गर्व जो अजूनही खाली आलेला नाही. तुमचं विमान थोडसं खाली उतरवून बघा..' 

हे ही वाचा>> Satish Wagh Murder Case: भाजप आमदाराच्या मामाचा मामीनेच घेतला जीव, मुलाच्याच मित्रासोबत होते अनैतिक संबंध

'गोपीनाथ गडावर जो मुंडे साहेबांच्या जयंतीच्या कार्यक्रमानंतर काय बोलले होते ते एकदा दाखवा.. त्या कार्यक्रमानंतर धनंजय मुंडेंची भाषा.. ते कोणत्या उन्मादामध्ये, मस्तीमध्ये बोलतायेत हे त्यांचं त्यांनीच तपासावं.' 

'ते काय बोलले.. कोणत्या जिल्ह्यात अशी घटना होत नाही. राज्यात वेगवेगळ्या जिल्ह्यात अशा घटना घडतात.. किडनॅपिंग होतं, खून होतात. देशभरात असं होतं. तुम्ही हे उन्मादाद बोलला..'

'तुमचं जे 60 हजार फुटावर जे विमान गेलं आहे धनूभाऊ.. तुमच्या पाया पडतो. ते थोडं खाली आणा. थोडं शांत व्हा.. तुम्ही कसं वागताय, काय वागतायेत.. तुमची माणसं कशी वागतायेत. तुमचे हे जे आका आहेत.. आकांनी काय-काय केलं ते 28 तारखेला सांगू.' 

'सगळ्या दुनियेला आका माहीत झालाए.. वाल्मिक अण्णा... आका.. अहो सगळ्या दुनिलेला कळले आहेत ते आका.. मी पण नाव घेतो आता.' असं म्हणत सुरेश धस यांनी आता धनंजय मुंडे यांच्यावर निशाणा साधला आहे.