Narhari Zirwal: मंत्रालयात फुल ड्रामा, नरहरी झिरवाळांना थेट जाळीवर का मारली उडी?

आतापर्यंत अनेकदा इतर आंदोलकांनी आपल्या मागण्या मान्य व्हाव्यात यासाठी मंत्रालयात येऊन जाळ्यांवर उड्या मारून आपलं आंदोलन केलं आहे. पण आता पहिल्यांदाच खुद्द आमदारांनीच जाळ्यांवर उड्या मारून आंदोलन केल्याने सर्वांच्याच भुवया उंचावल्या आहेत.

हे ही वाचा>> Ladki bahin Yojana: "पुढच्या वेळी 15 लाखांपासून 1500 रुपये...',लाडकी बहीण योजनेबाबत आदित्य ठाकरे काय म्हणाले?

सत्ताधारी आमदारांनी का मारली जाळीवर उडी?  

आदिवासी आरक्षणाबाबत आक्रमक असलेले आमदार नरहरी झिरवाळ हे खरं तर स्वत: सत्ताधारी पक्षात आहेत. ते राष्ट्रवादी काँग्रेस अजित पवारांच्या गटात आहेत. जे सध्या सत्तेत आहेत. असं असतानाही आरक्षणाच्या मुद्द्यावर त्यांना थेट आंदोलनाचं हत्यार उपसावं लागल्याने आता राजकीय वर्तुळात उलटसुलट चर्चांना उधाण आलं आहे. 

कोणकोणते आमदार आलेले मुख्यमंत्र्यांना भेटायला? 

धनगर समाजाचा आदिवासी आरक्षणात समावेश होऊ नये या मागणीसाठी राष्ट्रवादी काँग्रेस (अजित पवार) पक्षाचे आमदार आणि विधानसभा उपाध्यक्ष नरहरी झिरवाळ यांच्यासह आमदार डॉ. किरण लहामटे देखील आंदोलनात सहभागी होते. याशिवाय सत्ताधारी भाजपचे आमदार काशीराम पावरा आणि खासदार हेमंत सावरा हेही उपस्थित होते. तर काँग्रेस आमदार हिरामण खोसकर आणि बविआचे आमदार राजेश पाटील हे देखील या आंदोलनात होते.

हे ही वाचा>> Mumbai Tak Chavdi: 'त्या पत्रावर सही केली नाही', चावडीवर रोहित पवारांचा मोठा गौप्यस्फोट

दरम्यान, आमदारांनीच जाळीवर उडी मारल्याने मंत्रालयातील सुरक्षा रक्षक आणि पोलिसांमध्ये एकच गोंधळ उडाला. या सर्व आमदारांना बाहेर काढण्यासाठी या सर्वांना बरीच मेहनत करावी लागेल. अखेर सर्व आमदार बाहेर आल्यानंतर त्यांना मुख्यमंत्र्यांनी आपल्या दालनात बोलावलं. 

मिळालेल्या माहितीनुसार, मागील काही वेळापासून आंदोलन करणारे आमदार आणि मुख्यमंत्री एकनाथ शिंदे यांच्यात आरक्षणाच्या मुद्द्यावरून सध्या चर्चा सुरू आहे.