Sachin Vaze : जयंत पाटील अडकणार? फडणवीसांना पत्र, राजकीय वर्तुळात खळबळ

अनिल देशमुख विरुद्ध देवेंद्र फडणवीस राजकीय वाद

सामाजिक कार्यकर्ते श्याम मानव यांनी अनिल देशमुख यांच्यावर दबाव टाकण्यात आला होता, असे विधान केले होते. त्यानंतर अनिल देशमुख यांनी थेट देवेंद्र फडणवीस यांच्यावर आरोप केले. 

फडणवीस यांनी मला चार प्रतिज्ञापत्रे पाठवली होती. त्यात उद्धव ठाकरे, आदित्य ठाकरे, अजित पवारांचे सुपुत्र पार्थ पवार यांना खोट्या आरोपाखाली अडकण्याचा प्रयत्न होता, असा आरोप केलेला आहे. 

देवेंद्र फडणवीस यांनी अनिल देशमुखांचे आरोप फेटाळून लावले आहेत. मी कुणाच्या नादाला लागत नाही. कुणी माझ्या नादाला लागले तर सोडत नाही, असे सांगत फडणवीस यांनी देशमुखांच्या आरोपांना उत्तर दिले. त्यानंतर आरोप-प्रत्यारोप सुरूच असून, आता सचिन वाझेच्या विधानाने लक्ष्य वेधून घेतले आहे. महत्त्वाचे म्हणजे वाझेने फडणवीसांना लिहिलेल्या पत्रात जयंत पाटील यांच्या नावाचा उल्लेख केल्याचे सांगितले. त्यामुळे जयंत पाटलांबद्दल त्या पत्रात काय, याबद्दल राजकीय वर्तुळात उत्सुकता निर्माण झाली आहे.