Maratha Reservation: 'जरांगे महाराष्ट्राच्या CM, DCM यांना देतात आईवरून शिव्या..', भुजबळ नेमकं काय म्हणाले?

'एवढंच नाही तर छत्रपती शिवरायांच्या पुतळ्याखाली बसून महाराष्ट्राच्या मुख्यमंत्र्यांना, उपमुख्यमंत्र्यांना.. आणि आम्हाल तर नेहमीच देतात.. अहो आईवरून शिव्या.. तिथे बसलेले होते महसूल आयुक्त, एसपी, कलेक्टर त्यांना तर म्हणतात तुम्ही भा$@# आहात.. त्यांना देखील आईवरून शिव्या.' 

'ही जी काही दादागिरी सुरू आहे.. याला काही नियंत्रित करणार आहात की नाही? काही कारण नव्हतं.. 27 तारखेलाच सांगितलं होतं, त्यांनी गुलाल उधळला, फटाके वाजवले.. आणि परत 10 तारखेला उपोषणाला बसले. अनेक शहरात बस गाड्या फोडल्या.'

हे ही वाचा >> छगन भुजबळांच्या मागणीनं अनेकांच्या भुवया उंचावल्या, नेमकी मागणी काय?

'एक भीतीचं वातावरण या राज्यात निर्माण करतात. हे थांबायला पाहिजे. आता हे सगळं झाल्यानंतर त्यांचं काय म्हणणं आहे की.. आता ते काय म्हणतात मी उठणार नाही. म्हणजे यांचं भाषण चालूच.. आपण मराठा समाजाला आरक्षण द्यायचा ठराव केला तरी यांचं चालूच.. यांच्यावर काही बोललो तरी ते आम्हाला धमकी देणार..' 

'आता त्यांचं म्हणणं आहे की, त्यांना हे आरक्षण नको.. त्यांना ओबीसीमधूनच आरक्षण हवंय. त्यांची ही दादागिरी आणि खोटेपणा आहे तो त्यांच्याच बरोबर काम करणारे भंडारा डोंगरावरचे अजय महाराज बारस्कर हे जे महाराज आहेत त्यांनी सुद्धा माध्यमांमधून स्पष्टपणे सांगितलं आहे की, हे गृहस्थ ऐकणारे नाहीत.'

हे ही वाचा >> मराठा समाजाला 10 टक्के आरक्षण; सरकारच्या विधेयकात काय?

'हे आंदोलन सुरू असताना आम्ही काही बोललो की ताबडतोब धमकी देणार.. ते म्हणतात ओबीसीमधूनच आरक्षण द्या. हा आजचा ठराव त्यांना मंजूर नाही. बारस्कार महाराज आहेत ते देखील तेच सांगतायेत.. त्यांनी जी क्लिप दाखवली त्यामध्ये त्यांनीही सांगितलं की, यांचं मारुतीचं शेपूट वाढतच जाणार.. हे शिवीगाळ करतात.. ते बारस्कर महाराज त्यांना समजवायला गेले होते..' असं म्हणत भुजबळ यांनी जरांगेंविषयी प्रचंड संताप व्यक्त केला.

दरम्यान, आता भुजबळांच्या या संपूर्ण प्रतिक्रियेबाबत मनोज जरांगे नेमकी कशी भूमिका घेतात हे पाहणं महत्त्वाचं ठरणार आहे.