Narendra Modi: 'आरोपींना कठोर शिक्षा...', 'त्या' प्रकरणावरून PM मोदी प्रचंड संतापले!

महिलांवरील अत्याचाराच्या घटनांबाबत PM मोदी काय म्हणाले?

महिलांवर अत्याचार झाल्यावर दु:ख होतं. यांच गांभीर्य समाजानं आणि राज्य सरकारनं लक्षात घेतलं पाहिजे. महिलांवर होणाऱ्या अत्याचाराच्या प्रकरणांची तातडीनं चौकशी झाली पाहिजे. राक्षसी विकृतीनं काम करणाऱ्यांना कठोर शिक्षा झाली पाहिजे. ते खूप महत्त्वाचं आहे. महिलेवर अत्याचार झाल्यावर अनेक चर्चा होतात. पण आरोपीला शिक्षा दिल्यावर त्याबाबत एव्हढी चर्चा केली जात नाही. गुन्हेगारांमध्ये भीती निर्माण केली पाहिजे.

हे ही वाचा >>PM Modi Speech : पंतप्रधान नरेंद्र मोदींचा मोठा निर्धार, लाल किल्ल्यावर घोषणांचा पाऊस, म्हणाले; "२०३६ चं ऑलिम्पिक..."

समान नागरी कायद्याबाबत मोदींचं मोठं विधान

देशात जो समान नागरी कायदा सुरु आहे, तो एक जातीय नागरी कायदा आहे, असं देशातील काही लोकांना वाटतंय. कायद्या-धर्माच्या आधारावर देशाचं विभाजन जे करतात, त्यांच्याबाबत चर्चा झाली पाहिजे. देशात निधर्मी नागरी कायदा असला पाहिजे, यासाठी आपण काम केलं पाहिजे, तेव्हाच आपली सुटका होईल.

हे ही वाचा >>Independence Day: स्वातंत्र्यदिनी PM मोदींच्या मोठ्या घोषणा! महिला आणि तरूणांसाठी खास काय?   

बांगलादेशच्या परिस्थितीवरही मोदींनी वेधलं लक्ष

बांगलादेशात जे काही झालं त्याबाबत आम्हाला चिंता आहे. कारण आपला देश त्यांच्या शेजारी आहे. लवकरच त्या ठिकाणची परिस्थिती चांगली होईल, अशी आशा आहे. तेथे असणारे हिंदू आणि अल्पसंख्यांक सुरक्षीत असले पाहिजेत. काही लोकांना भारताचं भलं झालेलं पाहायचं नाही. ते फक्त स्वत:च्या भल्याचं विचार करतात. देशाला अशा लोकांपासून वाचवायचं आहे. असे लोक नैराश्यात राहतात. भ्रष्टाचाराविरोधात माझी लढाई सुरुच राहील. भ्रष्टाचाऱ्यांविरोधात भीतीचं वातावरण निर्माण केलं पाहिजे. काही लोक भ्रष्टाचाराचा जय जयकार करत आहेत. परिवारवाद आणि जातीयवाद देशाचं नुकसान करत आहे. निवडणुका पुन्हा पुन्हा होत असल्यानं देशात नाराजी आहे. काही महिन्यांनी निवडणुका येतात. प्रत्येक कामाला निवडणुकीच्या दृष्टीकोनातून पाहिलं जातं. सर्व पक्ष आपापल्या पद्धतीनं विचार करत आहेत. वन नेशन, वन इलेक्शनसाठी देशाला पुढे जावं लागेल, असंही मोदी म्हणाले.