’10 वर्षापूर्वी हजारो कोटींच्या घोटाळ्याची चर्चा पण आता…’, मोदींनी मुंबईत येताच केला प्रहार

राजकारणातील घराणेशाही संपवा

पंतप्रधान नरेंद्र मोदी यांनी आज महाराष्ट्राचा दौरा करत काळाराम मंदिरात दर्शन घेऊन त्यांनी विरोधकांवर जोरदार हल्लाबोल केला. यावेळी काँग्रेसचे नाव न घेता त्यांनी राजकारणातील घराणेशाही संपवा आणि युवावर्गाने राजकारणात सक्रिय व्हा असं सांगत त्यांनी युवावर्गाला राजकारणात येण्याचंही आवाहन केले.

अटल सेतू विकासाचं प्रतीक

पंतप्रधान नरेंद्र मोदी यांनी अटल सेतू लोकार्पण कार्यक्रमात बोलताना त्यांनी सांगितले की, अटल सेतू हे मराहाष्ट्राच्या विकासाचं प्रतीक असल्याचेही त्यांनी सांगितले. यावेळी त्यांनी मुंबईलाही एक बुलेट ट्रेनदेखील मिळणार असून भारताच्या विकासासाठी समुद्रालाही टक्कर देऊ असं अश्वासनही त्यांनी यावेळी दिला.

हे ही वाचा >> Kalaram Mandir History : काळाराम हे नाव कसं पडलं? प्रभू रामाचं कसा आहे संबंध?

हा प्रदेश देशाचे आर्थिक हब

आजचा दिवस महाराष्ट्रासह विकसित भारतासाठी महत्वाचा असल्याचे सांगत त्यांनी मुंबईतील विकास कामांविषयी बोलताना महाराष्ट्रात अनेक प्रकल्प पूर्ण होणार असल्याचा विश्वास त्यांनी व्यक्त केला. मुंबईतील शिवडी-न्हावा शेवा सेतूचं लोकार्पण करताना  त्यांनी सांगितले की, रायगड आणि मुंबईमधील हा प्रदेश देशाचे आर्थिक हब बनणार असून त्यासाठी आम्ही कुठेही कमी पडणार नाही असा विश्वासही त्यांनी यावेळी दिला.

फक्त घोटाळ्याची चर्चा

आज अनेक विकास कामांचे उद्घाटन होत असले तरी ही मोदींच्या गॅरेंटीची गाडी देशातील कानाकोपऱ्यात पोहचत असल्याचे सांगत मुंबईतील विकासामुळे देशासमोर नवा आदर्श निर्माण झाला आहे. दहा वर्षापूर्वी हजारो कोटींच्या घोटाळ्याची चर्चा होत होती, मात्र आता या नव्या प्रकल्पाची चर्चा होत असल्याचेही त्यांनी यावेळी सांगितले.

जपानचे आभार

अटल सेतूविषयी बोलतान नरेंद्र मोदी यांनी जपान सरकारचेही आभार मानत त्यांचे मोठे योगदान असल्याचे सांगितले. हा प्रकल्प पूर्ण करण्याचा संकल्प जपानचे माजी पंतप्रधान शिंझो अॅबे आणि आपण घेतला होता, ते पूर्ण होताना नक्कीच आनंद होत असल्याचे सांगत अटल सेतू हा विकसित भारताची झलक असल्याचे मतही त्यांनी यावेळी व्यक्त केले. या प्रकल्पाची मोठी उपलब्धी म्हणजे गोवादेखील मुंबईजवळ येणार असल्याचे सांगितले.

हे ही वाचा >> ‘संजय राऊत म्हणजे थुकलेले पान’, भाजप आमदार नितेश राणेंकडून जहरी टीका

Prime Minister Narendra Modi criticizes his opponents over the scam of thousands of crores