Maratha Reservation : "मराठा आरक्षणाचे खरे कट्टर विरोधक उद्धव ठाकरेच"

भाजपचे प्रवक्ते केशव उपाध्ये यांनी म्हटलं आहे की, "ओबीसींच्या आरक्षणाला धक्का न लावता व न्यायालयात टिकणारे असे मराठा समाजाला आरक्षण मिळाले पाहिजे, ही भाजपाची भूमिका पण उद्धव ठाकरे हे मराठा आरक्षण कसे मिळावे यावर बोलायला तयार नाहीत."

उबाठाच्या नेत्यांनी मराठा आंदोलकांना मारहाण केली -भाजप

"मराठा मोर्चाची खिल्ली उद्धव ठाकरे यांच्याच मुखपत्रातून करण्यात आली. मराठा आंदोलकांना मारहाण उबाठाच्या नेत्यांनी केला. मुख्यमंत्री असताना सर्वोच्च न्यायलयात उद्धव ठाकरे मराठा आरक्षण टिकवू शकले नाहीत", असे म्हणत उपाध्ये यांनी ठाकरेंना लक्ष्य केले आहे.

हेही वाचा >> मुंबई, पुणे,कोल्हापूरसह 'या' जिल्ह्यांमध्ये पाऊस घालणार धुमाकूळ! 

"मराठा आरक्षणसाठी राज्य सरकारने बोलविलेल्या सर्वपक्षीय बैठकीवर उबाठाचा बहिष्कार. मराठा आरक्षणावर भूमिका स्पष्ट करण्यासाठी गेलेल्या कार्यकर्त्यांना भेटण्यास नकार. आता तरी मराठा आरक्षणावर उद्धव ठाकरे भूमिका स्पष्ट करा नुसत गोल गोल बोलू नका", असा टोला केशव उपाध्य यांनी ठाकरेंना लगावला.

उद्धव ठाकरे काय बोलले होते?

माध्यमांशी बोलताना उद्धव ठाकरे म्हणालेले की, "आरक्षणाची मर्यादा वाढवण्याचा अधिकार हा राज्याला नाहीये. जसं बिहारमध्ये आरक्षण दिले होते, ते कोर्टाने उडवलं. मर्यादा वाढवायची असेल, तर लोकसभेमध्ये हा प्रश्न सुटू शकतो. मी माझे खासदार सोबत द्यायला तयार आहे. सर्वांनी मोदींकडे जावं."

हेही वाचा >> अमोल मिटकरींची गाडी फोडणाऱ्या मनसे कार्यकर्त्याचा मृत्यू! 

"मोदी सुद्धा नेहमी सांगतात की मी मागास जाती जमातीचा. गरिबीतीला संघर्ष त्यांना चांगला माहिती आहे. याबाबतीत मोदी घेतील तो निर्णय आम्हाला मान्य आहे. लोकसभेत सर्वमान्य तोडगा निघत असेल, तर मी त्याला पाठिंबा द्यायला तयार आहे", अशी भूमिका ठाकरेंनी मांडली.