टीम इंडियाच्या मुख्य प्रशिक्षकपदाची ऑफर Mahela Jayewardene ने नाकारली

इंडियन एक्स्प्रेसने दिलेल्या बातमीनुसार, अनिल कुंबळेला विचारणा करण्याआधी बीसीसीआयच्या अधिकाऱ्यांनी महेला जयवर्धनेला या पदाबद्दल विचारणा केली होती. परंतू जयवर्धनेने ही ऑफर नाकारली आहे. टीम इंडियाऐवजी जयवर्धनेला श्रीलंकेचा राष्ट्रीय संघ आणि मुंबई इंडियन्सला मार्गदर्शन करण्यात अधिक स्वारस्य असल्याचं कळतंय. जयवर्धनेच्या मार्गदर्शनाखाली आयपीएलमध्ये मुंबईने तीनवेळा विजेतेपद जिंकलं आहे.

रवि शास्त्रीनंतर प्रशिक्षकपदी पुन्हा अनिल कुंबळे?; बीसीसीआयच्या हालचाली सुरू

जयवर्धनेला टीम इंडियाचं प्रशिक्षकपद देण्यात सर्वात मोठा अडथळा आहे तो म्हणजे त्याच्याकडे असलेलं मुंबई इंडियन्सचं प्रशिक्षकपद. बीसीसीआयच्या नियमानुसार टीम इंडियाचा मुख्य प्रशिक्षक असणाऱ्या व्यक्तीला आयपीएलमध्ये कोणतंही लाभाचं पद भूषवता येत नाही. त्यातच जयवर्धनेने मुंबई इंडियन्सला मार्गदर्शन करण्यात स्वारस्य दाखवल्यामुळे जयवर्धनेचं नाव शर्यतीतून बाहेर पडल्याचं कळतंय.

IPL 2021 : १९ सप्टेंबरपासून सुरु होणाऱ्या उर्वरित हंगामात संघांना या ७ नियमांचं करावं लागणार पालन