राहुल द्रविड रवी शास्त्रींच्या जागेचा प्रबळ दावेदार – भारताच्या माजी खेळाडूचा दावा

“राहुल द्रविडची श्रीलंका दौऱ्यासाठी झालेली नियुक्ती ही तात्पुरती नाही. तो टीम इंडियाचा कोच होण्यासाठी तयारीत आहेत. टी-२० वर्ल्डकप नंतर रवी शास्त्रींची मुदत संपते आहे, त्यानंतर त्यांच्या जागेसाठी द्रविड हा प्रमुख दावेदार आहे. रवी शास्त्रींनी हेड कोच म्हणून चांगलं काम केलंय, परंतू आता त्यांचा करार संपल्यानंतर द्रविडचा या जागेसाठी विचार केला जाईल. यासाठीच त्याला श्रीलंका दौऱ्याची जबाबदारी देण्यात आली आहे. रवी शास्त्रींची जागा भविष्यात राहुल द्रविडच घेऊ शकतो.” सोढी इंडिया न्यूज शी बोलत होते.

२०१४ च्या इंग्लंड दौऱ्यात राहुल द्रविड भारतीय फलंदाजांना मार्गदर्शन करण्यासाठी बॅटींग कोच म्हणून सोबत गेला होता. यानंतर भारत अ आणि १९ वर्षाखालील संघाला मार्गदर्शन करण्यात राहुल द्रविडचा मोलाचा वाटा आहे. सध्या NCA चा संचालक म्हणून काम करत असलेला राहुल द्रविड अनेक खेळाडूंना घडवतो आहे. त्यामुळे राहुल द्रविडच्या मार्गदर्शनाखाली टीम इंडिया श्रीलंका दौऱ्यात कशी कामगिरी करते याकडे सर्वांचं लक्ष असणार आहे.

प्रशिक्षक म्हणून राहुल द्रविडचं श्रीलंकेत यशस्वी होणं टीम इंडियासाठी आहे गरजेचं, कारण…