सचिन तेंडुलकरसाठी आजचा दिवस आहे खास, जाणून घ्या कारण

आपला बालपणीचा मित्र विनोद कांबळीसोबत सचिनने शालेय क्रिकेटमध्ये आजच्या दिवशी ६६४ रन्सची विक्रमी पार्टनरशीप केली होती. विनोद कांबळीने या पार्टनरशीपदरम्यानचा एक खास फोटो ट्विटर अकाऊंटवर पोस्ट करत सचिनला आजच्या दिवसाची खास आठवण करुन दिली आहे.

यानंतर आजच्या दिवशी दहा वर्षांपूर्वी सचिनने दक्षिण आफ्रिकेविरुद्ध वन-डे सामन्यात पहिल्यांदा डबल सेंच्युरी झळकावली होती. वन-डे क्रिकेटच्या इतिहासात अशी कामगिरी करणारा सचिन पहिला क्रिकेटपटू ठरला होता.

निवृत्तीनंतर सचिन तेंडुलकर सोशल मीडियावर चांगलाच सक्रीय असतो. एखाद्या मॅचवेळी आपली मतं, नवोदीत खेळाडूंना प्रोत्साहन देणं, सल्ले देणं अशा माध्यमातून सचिन आजही क्रिकेटशी आपली नाळ जोडून आहे.