BRICS Summit 2023: शी जिनपिगं भेटताच PM मोदी काढला मुद्दा, काय झाली चर्चा?
BRICS Summit news in marathi : PM Modi raised the issue of LAC in conversation with Xi Jinping, know what happened between the two leaders
ADVERTISEMENT
PM Modi meets China President Xi Jinping : दक्षिण आफ्रिकेतील जोहान्सबर्ग येथे ब्रिक्स नेत्यांच्या शिखर परिषदेदरम्यान गुरुवारी (24 ऑगस्ट) पंतप्रधान मोदी आणि चीनचे अध्यक्ष शी जिनपिंग यांची भेट झाली. यावेळी दोन्ही नेत्यांमध्ये चर्चा झाली. चीनचे राष्ट्राध्यक्ष शी जिनपिंग यांच्याशी झालेल्या चर्चेत पंतप्रधान मोदींनी प्रत्यक्ष नियंत्रण रेषेवरील (LAC) तणावाचा मुद्दा उपस्थित केला.
पंतप्रधान मोदींच्या दक्षिण आफ्रिका दौऱ्याच्या समारोपाच्या वेळी भारताच्या परराष्ट्र सचिवांनी माध्यमांशी संवाद साधला. यावेळी त्यांनी सांगितले की, पंतप्रधान मोदींनी ब्रिक्स शिखर परिषदे दरम्यान राष्ट्राध्यक्ष शी जिनपिंग आणि इतर नेत्यांशी चर्चा केली. शी जिनपिंग यांच्याशी झालेल्या चर्चेत पंतप्रधान मोदींनी एलएसीवरील न सुटलेल्या मुद्द्यांवर भारताच्या वतीने चिंता व्यक्त केली.
हेही वाचा >> MOTN : 2024 मध्ये लोक मोदींना ‘या’ मुद्द्यांवर मतदान करणार, कौलमध्ये काय?
उभय नेत्यांमधील ही भेट अशा वेळी झाली, जेव्हा पुढील काही दिवसांत दिल्लीत जी-20 शिखर परिषद होणार आहे. मे 2020 मध्ये गलवान व्हॅलीत भारत आणि चीनमध्ये रक्तरंजित लष्करी संघर्ष झाला होता.
त्यानंतर पंतप्रधान मोदी आणि शी जिनपिंग यांच्यात झालेली ही दुसरी अनौपचारिक चर्चा होती. यापूर्वी इंडोनेशियातील बाली येथे झालेल्या G20 शिखर परिषदेदरम्यान दोन्ही नेत्यांची भेट झाली होती. यावेळी पंतप्रधान मोदींनी द्विपक्षीय संबंध स्थिर ठेवण्यावर भर दिला.
चीनने काय म्हटलंय?
दुसरीकडे, चीनच्या परराष्ट्र मंत्रालयाला जेव्हा विचारण्यात आले की, ब्रिक्स परिषदेदरम्यान भारत आणि चीनमध्ये द्विपक्षीय बैठक झाली होती का? यावर चीनचे राष्ट्राध्यक्ष शी जिनपिंग यांनी 23 ऑगस्ट 2023 रोजी ब्रिक्स परिषदेच्या निमित्ताने भारताचे पंतप्रधान नरेंद्र मोदी यांच्याशी संवाद साधला.
हेही वाचा >> Mood of the Nation: नरेंद्र मोदी पुन्हा पंतप्रधान होणार का?, देशातील जनतेचा काय आहे मूड?
दोन्ही नेत्यांनी सध्याचे चीन-भारत संबंध आणि समान हिताच्या इतर मुद्द्यांवर स्पष्ट आणि सखोल विचारांची देवाणघेवाण केली. राष्ट्राध्यक्ष शी जिनपिंग यांनी भर दिला की चीन-भारत संबंध सुधारणे हे दोन्ही देश आणि लोकांचे समान हित साधते आणि जग आणि प्रदेशाच्या शांतता, स्थिरता आणि विकासासाठी देखील आवश्यक आहे. दोन्ही बाजूंनी त्यांच्या द्विपक्षीय संबंधांच्या एकूण हितसंबंधांचा विचार केला पाहिजे आणि सीमेचा प्रश्न योग्य प्रकारे हाताळला पाहिजे जेणेकरून संयुक्तपणे सीमावर्ती भागात शांतता आणि शांतता राखता येईल.
हे वाचलं का?
