Maharashtra Weather : मराठवाडा आणि विदर्भात विजांच्या गडगडाटासह वाहणार वादळी वारे! कोणत्या भागात धो धो बरसणार?
Maharashtra Weather Today : मागील काही दिवसांपासून राज्यातील अनेक जिल्ह्यांमध्ये हवामानात लक्षणीय बदल होत असल्याचं पाहायला मिळत आहे.
ADVERTISEMENT
बातम्या हायलाइट
राज्यात कोणत्या जिल्ह्यात पसरणार उष्णतेच्या लाटा?
राज्यात या ठिकाणी पडणार पाऊस
आजच्या हवामानाबाबत जाणून घ्या सविस्तर माहिती
Maharashtra Weather Today : मागील काही दिवसांपासून राज्यातील अनेक जिल्ह्यांमध्ये हवामानात लक्षणीय बदल होत असल्याचं पाहायला मिळत आहे. काल शुक्रवारी हवामान विभागाकडून पालघर, ठाणे, मुंबई, रायगड, रत्नागिरी, ,धुळे, नंदूरबार, जळगाव, नाशिक, नाशिक घाट परिसर, अहिल्यानगरमध्ये कोरडं हवामानाची नोंद वर्तवण्यात आली होती. सिंधुदुर्ग, पुणे, पुणे घाट परिसर, सोलापूर, नांदेड, लातूरमध्ये पावसाच्या हलक्या सरी कोसळण्याचा अंदाजही हवामान विभागाने बांधला होता. दरम्यान,आज राज्यातील जिल्ह्यांमध्ये हवामानाची स्थिती कशी असणार आहे, याबाबत जाणून घ्या सविस्तर माहिती.
भारतीय हवामान विभागाने दिलेल्या माहितीनुसार, मध्य महाराष्ट्र, मराठवाडा आणि विदर्भातील जिल्ह्यांमध्ये तुरळक ठिकाणी विजांच्या कडकडाटासह वादळे आणि हलक्या ते मध्यम स्वरूपाच्या पावसासह ताशी ३०-४० किमी वेगाने वारे वाहण्याची शक्यता आहे. पुढील २४ तासांसाठी मुंबई शहर आणि उपनगरांसाठी स्थानिक अंदाज आहे. शहर आणि उपनगरात आकाश मुख्यतः निरभ्र राहील. कमाल आणि किमान तापमान अनुक्रमे ३४°C आणि २५°C च्या आसपास असेल.
हे ही वाचा >> गृहमंत्री अमित शाह रायगडावर आले, औरंगजेबाच्या कबरीबाबत काय म्हणाले?
पालघर, ठाणे, मुंबई, रायगड, रत्नागिरी, सिंधुदुर्ग, धुळे, नंदूरबार, नाशिक, नाशिक घाट परिसर, पुणे, पुणे घाट परिसर, कोल्हापूर घाट परिसर, कोल्हापूर, सातारा, सातारा घाट परिसरात कोरडं हवामान असण्याचा अंदाज आहे. जळगाव, अहिल्यानगर, सांगली, परभणी, हिंगोली, नांदेड, लातूर, धाराशिवमध्ये हलक्या पावसाच्या सरी कोसळू शकतात.
सोलापूर, छत्रपती संभाजी नगर, जालना, बीडमध्ये तुरळक ठिकाणी विजांच्या कडकडाटासह वादळे आणि हलका ते मध्यम स्वरुपाचा पाऊस कोसळू शकतो. तसच 30-40 किमी प्रतितास वेगाने वारे वाहण्याचा अंदाज हवामान विभागाकडून वर्तवण्यात आला आहे. अकोला, अमरावती, भंडारा, बुलढाणा, चंद्रपूर, गडचिरोली, गोंदिया, नागपूर, वर्धा, वाशिममध्ये हवामान विभागाकडून कोणताही इशारा देण्यात आला नाही.
हे ही वाचा >> M. Com ते पुण्याचा कुख्यात डॉन.. स्वत:ला 'BOSS' म्हणवून घेणारा निलेश घायवळ आहे तरी कोण?
हे वाचलं का?
