Anant Chaturthi 2024: 'या' शुभ मुहूर्तावर करा बाप्पाचं विसर्जन! जाणून घ्या योग्य पूजा-विधी

हिंदू धर्मात गणेश चतुर्थीला जितके महत्तव आहे तितकेच महत्त्व अनंत चतुर्दशीलाही आहे. गणेशोत्सवाच्या 10 दिवसांत श्रीगणेशाची आराधना केल्याने माणसाचे सर्व दु:ख दूर होतात, असा समज आहे. गणपती विसर्जन गणेश चतुर्थीच्या दहाव्या दिवशी म्हणजेच अनंत चतुर्दशीला केले जाते. या दिवशी बाप्पा आपल्या घरी परत जातात.

हेही वाचा : Ganesh Visarjan 2024: बाप्पाच्या विसर्जनापूर्वी 'या' राशीच्या लोकांनी करा विशेष पूजा! सर्व विघ्न होतील दूर

गणपती विसर्जन शुभ मुहूर्त

• सकाळचा मुहूर्त- सकाळी 09 वाडू 11 मिनिटे ते दुपारी 01 वाजून 47 मिनिटांपर्यंत
• दुपारचा मुहूर्त- दुपारी 03 वाजून 19 मिनिटे ते 04 वाजून 51 मिनिटांपर्यंत 
• संध्याकाळचा मुहूर्त- संध्याकाळी 07 वाजून 51 मिनिटे ते रात्री 09 वाजून 19 मिनिटांपर्यंत
• रात्रीचा मुहूर्त- रात्री 10 वाजून 47 मिनिटे ते 18 सप्टेंबर रोजी पहाटे 03 वाजून 12 मिनिटांपर्यंत

श्री गणेश विसर्जन मंत्र 1

यान्तु देवगणा: सर्वे पूजामादाय मामकीम्।
इष्टकामसमृद्धयर्थं पुनर्अपि पुनरागमनाय च॥

श्री गणेश विसर्जन मंत्र 2

गच्छ गच्छ सुरश्रेष्ठ स्वस्थाने परमेश्वर।
मम पूजा गृहीत्मेवां पुनरागमनाय च॥

हेही वाचा : Maharashtra Weather: बाप्पाच्या विसर्जनाला आज राज्यात पावसाचा अंदाज काय? वाचा IMD रिपोर्ट

गणेश विसर्जनाची योग्य पद्धत माहितीये का?

• श्रीगणेशाची विधिवत पूजा केल्यानंतर हवन करा आणि नंतर गणेशाचे स्वस्तिवाचन करा.
• आता पाट घ्या आणि त्यावर स्वस्तिक बनवा. नंतर तो तसाच ठेवावा, पिवळ्या किंवा गुलाबी रंगाचे कापड त्यावर पसरवून चारही कोपऱ्यात पूजेसाठी सुपारी ठेवावी.
• आता मूर्ती जिथे ठेवली होती तिथून उचला आणि आनंदाच्या जयघोषात यावर बसवा.
• आत गणपती बाप्पासमोर फळे, फुले, सुपारी आणि मोदक ठेवा.
• यानंतर हात जोडून गणपती बाप्पाची प्रार्थना करा. पूजेच्या 10 दिवसात काही चूक झाली असेल तर माफी मागा.
• आता सर्वांनी गणपती बाप्पाचं नाव घेत बाप्पाला डोक्यावर किंवा खांद्यावर पाटासह विसर्जनस्थळी घेऊन जल्लोषात घरातून निरोप घ्यावा.
• विसर्जनाच्या ठिकाणी लक्षात ठेवा की बाप्पाची मूर्ती फेकून देऊ नये, तर पूर्ण आदराने विसर्जन करावे. यानंतर हात जोडून माफी मागून पुढच्या वर्षी येण्याची विनंती करा. विसर्जनाच्या वेळी कापूर लावून त्याची आरती करावी.

घरी गणेशमूर्तीचे विसर्जन कसे करावे...

• जर तुम्ही घरातच विसर्जन करत असाल तर वर दिलेल्या संपूर्ण प्रक्रियेचे अनुसरण करा.
• निर्माल्य एकाच ठिकाणी गोळा करून योग्य ठिकाणी विसर्जित करावे.
• घरात विसर्जन केल्यानंतर दुसऱ्या दिवशी घरातील कुंडीत किंवा बागेत पाणी आणि माती विसर्जित करावी.