Bharat Bandh : उद्या 'भारत बंद', नेमकं घडलंय तरी काय?

बंद दरम्यान हिंसाचाराची शक्यता लक्षात घेऊन वरिष्ठ पोलिस अधिकाऱ्यांनी सर्व विभागीय आयुक्त, जिल्हा दंडाधिकारी आणि वरिष्ठ पोलिस अधिकाऱ्यांसाठी आवश्यक मार्गदर्शक सूचना जारी केल्या आहेत. पश्चिम उत्तर प्रदेश विशेषत: संवेदनशील मानला जातो, त्यामुळे तेथील पोलिसांना हाय अलर्टवर ठेवण्यात आले आहे. निदर्शने दरम्यान सार्वजनिक सुरक्षा सुनिश्चित करण्यासाठी अधिकारी व्यापक उपाययोजना करत आहेत.

काय बंद राहणार? 

भारत बंदबाबत अद्याप कोणत्याही राज्य सरकारने अधिकृतपणे मार्गदर्शक तत्व जाहीर केलेली नाहीत. भारत बंददरम्यान सार्वजनिक वाहतूक सेवेवर याचा परिणाम होण्याची भीती व्यक्त होत आहे. काही ठिकाणी खासगी कार्यालये बंद राहण्याची शक्यता आहे. 

काय राहणार सुरू? 

भारत बंद दरम्यान रुग्णालये आणि रुग्णवाहिका यांसारख्या आपत्कालीन सेवा सुरू राहतील. बँक कार्यालये व शासकीय कार्यालये बंद ठेवण्याबाबत शासनाकडून अद्याप कोणताही आदेश आलेला नाही. त्यामुळे बुधवारी बँका आणि सरकारी कार्यालये सुरू राहणार असल्याचे मानले जात आहे.

सर्वोच्च न्यायालयाने निर्णय काय दिलेला? 

सर्वोच्च न्यायालयाने राज्य सरकारांना एससी - एसटी आरक्षणात क्रिमी लेयर बनवण्याची परवानगी दिली आहे. ज्याला खरंच त्याची गरज आहे, त्याला आरक्षणात प्राथमिकता मिळावी. त्यासाठी सब-कॅटेगरी बनवण्याचं कोर्टाने सांगितलं आहे. न्यायालयाच्या या निर्णयावर मोठा वाद निर्माण झाला. त्याच विरोधात संघटनांनी हा निर्णय न्यायालयाने मागे घेण्याच्या मागणीसाठी उद्या मंगळवारी 21 ऑगस्ट रोजी भारत बंदची हाक देण्यात आली आहे.