IAS Pooja Khedkar Mother : मनोरमा खेडकर यांना झटका! कोर्टाने मागणी फेटाळली
Manorama Khedkar News : प्रशिक्षणार्थी आयएएस अधिकारी पूजा खेडकर यांची आई मनोरमा खेडकर यांना न्यायालयात झटका बसला आहे. मनोरमा खेडकर यांची मागणी कोर्टाने फेटाळून लावली आहे.
ADVERTISEMENT
![IAS Pooja Khedkar Mother : मनोरमा खेडकर यांना झटका! कोर्टाने मागणी फेटाळली कोर्टाने त्यांची याचिका फेटाळून लावत न्यायालयीन कोठडीत रवानगी केली.](https://akm-img-a-in.tosshub.com/lingo/mbtak/images/story/202407/669e421c664f6-manorama-khedkar-news-222723429-16x9.jpg?size=948:533)
बातम्या हायलाइट
![point](https://akm-img-a-in.tosshub.com/lingo/uptak/resources/mum-tak-icon.png)
मनोरमा खेडकर यांना १४ दिवसांची न्यायालयीन कोठडी
![point](https://akm-img-a-in.tosshub.com/lingo/uptak/resources/mum-tak-icon.png)
पूजा खेडकर यांची जामीन याचिका फेटाळली
![point](https://akm-img-a-in.tosshub.com/lingo/uptak/resources/mum-tak-icon.png)
पूजा खेडकरांच्या आईला तुरुंगातच राहावे लागणार
Manorama Khedkar Latest News : (ओमकार वाबळे, पुणे) वादग्रस्त आयएएस अधिकारी पूजा खेडकर यांची आई मनोरमा खेडकर यांना कोर्टात दिलासा मिळू शकला नाही. मनोरमा खेडकर यांची याचिका कोर्टाने फेटाळली असून, १४ दिवसांची न्यायालयीन कोठडी सुनावली आहे. (Manorama Khedkar Bail petition Rejected by court)
मुळशी तालुक्यातील एका शेतकऱ्याला पिस्तुल दाखवत मनोरमा खेडकर यांनी जिवे मारण्याची धमकी दिली होती. फरार असलेल्या मनोरमा खेडकर यांना पोलिसांनी अटक केली. त्यांना पोलीस कोठडी सुनावण्यात आली होती.
२० जुलै रोजी त्यांची पोलीस कोठडी संपली होती. कोर्टाने २२ जुलैपर्यंत त्यांच्या कोठडीत वाढ केली होती. सोमवारी (22 जुलै) त्यांना न्यायालयात हजर करण्यात आले.
हे वाचलं का?
ADVERTISEMENT
कोर्टाने जामीन याचिका फेटाळली
मनोरमा खेडकर यांना न्यायालयाने १४ दिवसांची न्यायालयीन कोठडी सोमवारी सुनावली. त्यानंतर मनोरमा खेडकर यांनी जामिनासाठी न्यायालयात अर्ज दाखल केला. मात्र, कोर्टाने त्यांची याचिका फेटाळून लावत न्यायालयीन कोठडीत रवानगी केली.
सात जणांविरुद्ध गुन्हा
मुळशी तालुक्यातील शेतकऱ्याला पिस्तुलाचा धाक दाखवून मनोरमा खेडकर यांनी धमकावले होते. याप्रकरणी पुणे ग्रामीण पोलिसांनी आयएएस पूजा खेडकर यांची आई मनोरमा, वडील दिलीप खेडकर, अंगरक्षक यांच्यासह सात जणांविरुद्ध गुन्हा दाखल केलेला आहे.
ADVERTISEMENT
बंगल्यात सापडली तीन काडतुसे
मनोरमा खेडकर फरार झाल्यानंतर पोलिसांनी त्यांच्या नॅशनल हाऊसिंग सोसायटीत असलेल्या बंगल्याची झडती घेतली होती. यावेळी त्यांच्या बंगल्यात पिस्तुलासह तीन काडतुसे सापडली होती. पोलिसांनी ती जप्त केली.
ADVERTISEMENT
ADVERTISEMENT