IAS Pooja Khedkar : अंपग असल्याचे दाखवून पूजा खेडकर बनली IAS अधिकारी? वाद काय?

20223 च्या बॅचच्या आयएएस अधिकारी पूजा खेडेकर यांच्या अपंगत्व प्रमाणपत्राबद्दलही आता प्रश्न उपस्थित होत आहे. पूजा खेडकर यांनी अपंग असल्याचे प्रमाणपत्र दाखवून युपीएससी परीक्षा उत्तीर्ण केली आणि IAS अधिकारी पद पदरातून पाडून घेतल्याचा दावा केला जात आहे. 

पूजा खेडकर यांच्या अपंगत्वाचा मुद्दा वादात

अशी माहिती समोर आली आहे की, पूजा खेडकर यांनी दृष्टीदोष असल्याचे म्हणजे अपंगत्वाचे प्रमाणपत्र दिले. युपीएससीने त्यांना सहा वेळा दिल्लीच्या एम्स रुग्णालयात वैद्यकीय चाचणीसाठी बोलावलं, पण त्या गेल्या नाही. त्यांनी दुसऱ्याच सेंटरमधून एमआयआय रिपोर्ट घेतला आणि तो सादर केला, अशी माहिती आहे. पूजा खेडकर यांना कॅट ने विरोध केला होता. त्यानंतरही त्यांना IAS म्हणून नियुक्ती देण्यात आली. याच मुद्द्यावरून आता वाद उभा राहिला आहे.

हेही वाचा >> वसंत मोरे ठाकरेंच्या शिवसेनेत, पुण्यात शरद पवारांचं गणित बिघडणार? 

पूजा खेडकर यांनी दृष्टीदोष असल्याचे दाखवून व्हिज्युअली इम्पेअर्ड प्रवर्गातून युपीएससीची परीक्षा दिली. 

पूजा खेडकर यांना आयएएसचा दर्जा मिळाल्यानंतर युपीएससीने वैद्यकीय तपासणीसाठी बोलावले होते. पण, त्यांनी वेगवेगळी कारणे देत तब्बल सहा वेळा तपासणीसाठी जाणे टाळले. 

पूजा खेडकर यांनी एमआरआय सेंटरमधून घेतलेला रिपोर्ट सादर केला. ज्यावर युपीएससीने हरकत घेतली. त्यानंतर सेंट्रल अ‍ॅडमिनिस्ट्रेटिव्ह ट्रिब्युनल म्हणजे कॅट मध्ये पूजा खेडकर यांच्या नियुक्तीला आव्हान दिले होते.

हेही वाचा >> महाराष्ट्रात कुणाचं सरकार येणार? जरांगेंचा पहिल्यांदाच मोठा दावा 

२३ फेब्रुवारी २०२३ रोजी कॅटने पूजा खेडकर यांच्याविरोधात निकाल दिला होता. मात्र, त्यानंतरही पूजा खेडकर यांनी सादर केलेले वादग्रस्त प्रमाणपत्र ग्राह्य धरण्यात आले आणि त्यांची निवड वैध ठरवण्यात आली. त्यामुळे आता त्यांचे अपंगत्व आता वादग्रस्त ठरले आहे.