Kurla Best Bus Accident : भरधाव BEST बस मार्केटमध्ये घुसली, लोकांना चिरडलं, पाच जणांचा मृत्यू, 30 जखमी

Kurla Best Bus Accident News Today : मुंबईतील कुर्ला परिसरात काल रात्री एक भीषण अपघात झाला. या अपघातानं मुंबई अक्षरश: हादरली आहे. कुर्ल्यातील एलबीएस रोडवरील मार्केटमध्ये नेहमीसारखी वर्दळ होती. कुणी कामावरुन घरी निघालं होतं, कुणी कुटुंबासोबत खरेदीसाठी आलं होतं, तर कुणी मुलांसाठी खाऊ तर कुणी भाजी विकत घेऊन जात होतं. अशातच बेस्टची एक बस भरधाव वेगात आली, मार्केटमध्ये घुसली आणि 30 पेक्षा जास्त लोकांना चिरडलं. या घटनेत आतापर्यंत 5 जणांचा मृत्यू झाल्याची माहिती समोर आली आहे. बसचालक मद्यधुंद अवस्थेत होता अशी माहिती समोर आली असून, स्थानिकांनी चालकाला पकडून पोलिसांच्या ताब्यात दिलं आहे.