Maharashtra Weather: राज्यातील 'या' भागांत सोसाट्याच्या वाऱ्यासह मुसळधार पाऊस! पहा हवामानाचा अंदाज

राज्यात बहुतांश भागांत पावसाचा जोर कमी झाला आहे. मात्र काही ठिकाणी मुसळधार पाऊस सुरू आहे. विदर्भात पावसाचा जोर कायम आहे. तर मराठवाड्यातही पावसाची शक्यता आहे. त्याचबरोबर, मुंबईसह कोकणात पावसाचा अंदाज आहे. नाशिक आणि पुण्यातही आज मध्यम पावसाचा अंदाज वर्तवण्यात आला आहे. 

हेही वाचा : Chhagan Bhujbal मराठा आरक्षणाचा प्रश्न कसा सुटणार? भुजबळांनीच सुचवला पर्याय

मध्य महाराष्ट्रासह कोकणात पावसाची शक्यता

मध्य महाराष्ट्रासह कोकणात हलक्या ते मध्यम पावसाची शक्यता आहे. उर्वरित राज्यात पाऊस उघडल्याचे दिसेल असा अंदाज हवामान विभागाने वर्तवला आहे. पावसाचा जोर अनेक जिल्ह्यांत कमी झाला असला तरी काही ठिकाणी आजही जोरदार पावसाची शक्यता वर्तवण्यात आली आहे.

मुंबई शहर-उपनगरात पावसाचा अंदाज काय?

पुढील 24 तासांसाठी मुंबई शहर आणि उपनगरांसाठी स्थानिक अंदाज आहे. शहर आणि उपनगरात आकाश अंशतः ढगाळ राहील आणि मधूनमधून हलका ते मध्यम पाऊस पडेल.कमाल आणि किमान तापमान अनुक्रमे 31°C आणि 27°C च्या आसपास असेल.

हेही वाचा : Supriya Sule Mumbai tak Baithak 2024: "एकाच गोष्टीमुळे मी लोकसभेला तरले"

विदर्भासह मराठवाड्यात कसा असणार पावसाचा जोर? 

विदर्भातील जिल्ह्यांमध्येही आज तुरळक ठिकाणी विजांच्या कडकडाटासह वादळ, सोसाट्याचा वारा आणि मध्यम पाऊस पडण्याची शक्यता आहे. चंद्रपूर, गडचिरोली आणि गोंदिया या जिल्ह्यांमध्ये आज यलो अलर्ट जारी करण्यात आला आहे. या तीन जिल्ह्यांमध्ये विजांचा कडकडाट आणि वादळी वाऱ्यासह पावसाचा अंदाज वर्तवण्यात आला आहे.

हेही वाचा : Ashok Saraf : आता कंडक्टर नाही तर... 'नवरा माझा नवसाचा 2' मधील भूमिकेबाबत अशोक मामांनी सांगितलं मोठं सीक्रेट! 

मराठवाड्यातील जालना, परभणी या जिल्ह्यांमध्ये हलक्या ते मध्यम पावसाचा अंदाज आहे. दुसरीकडे बीड, संभाजीनगर, नांदेड या जिल्ह्यात विजांसह पावसाची शक्यता वर्तवण्यात आली आहे.