Maharashtra weather: धुरकट हवा, दमट वातावरण; महाराष्ट्रावर घोंगावतंय मोठं संकट? IMD चा इशारा

सध्या पावसाने उघडीप दिली असली तरी, आता राज्यात पुन्हा एकदा जोरदार पावसाची शक्यता हवामान खात्याकडून वर्तवण्यात आली आहे. महाराष्ट्रासह नऊ राज्यात आज हवामान विभागाकडून मुसळधार पावसाचा इशारा देण्यात आला आहे. त्याचबरोबर पावसाने उघडीच देताच दमट वातावरण निर्माण झाले असून ऑक्टोबर हीट वाढली आहे.

हेही वाचा : Horoscope In Marathi: बॉसशी उडतील खटके! तर 'या' लोकांवर पैशांचा पाऊस! आज तुमच्या राशीत काय?

राज्यात पश्चिम महाराष्ट्रासह कोकणात विजांसह पावसाचा अंदाज असून इतर जिल्ह्यांमध्ये हलक्या पावसाची शक्यता हवामान विभागाकडून वर्तवण्यात आली आहे. हवामान विभागाने दिलेल्या माहितीनुसार आज कोकणातील सिंधुदूर्ग, रत्नागिरी, रायगड या जिल्ह्यांमध्ये वादळी वाऱ्यासह मुसळधार पावसाची शक्यता आहे. उत्तर कोकणापासून आग्नेय उत्तर प्रदेशापर्यंत हवेचा कमी दाबाचा पट्टा सक्रिय झाल्याने या परिस्थितीची अंदाज आहे. 

सप्टेंबर अखेरपर्यंत राज्यातील मध्य महाराष्ट्र, कोकण, मराठवाडा आणि विदर्भ अशा चारही विभागांत पावसाने सरासरी ओलांडली आहे. त्याचबरोबर ऑक्टोबर महिन्यात चांगल्या पावसाचे संकेत आहेत.