Maharashtra Weather: मुंबई-पुण्याला पाऊस पुन्हा झोडपणार, IMD चा नवा अलर्ट!

IMD चा अंदाज काय?

गेल्या काही दिवसांपासून मुंबई, पुण्यात सुरू असलेल्या मुसळधार पावसाने थोडी विश्रांती घेतली होती. तसेच सांगली, कोल्हापूर सारख्या जिल्ह्यांमध्ये पावसाचा जोर कमी झाला होता. अशा परिस्थितीत आज पावसाचा जोर वाढणार असल्याचा अंदाज हवामान विभागाकडून वर्तवण्यात आला आहे. पुढील चार दिवस म्हणजेच 1 ते 4 ऑगस्ट दरम्यान मुसळधार पाऊस बरसेल. 

हेही वाचा : मैत्रिणीला मुलगा बनून पाठवली 'फ्रेण्ड रिक्वेस्ट, प्रेमात पडली तरुणी अन् नंतर घेतला गळफास

त्याचबरोबर हवामान विभागाने कोकणात रायगड, रत्नागिरी या जिल्ह्यांना ऑरेंज अलर्ट जारी केला आहे. तसेच पश्चिम महाराष्ट्रातील सातारा, कोल्हापूर, पुणे आणि विदर्भातील चंद्रपूर, भंडारा-गोंदिया, गडचिरोली या जिल्ह्यांनाही ऑरेंज अलर्ट जारी करण्यात आला आहे.

हेही वाचा : Khalilur Rehman Qamar: महिलेने दिग्दर्शकाला रुममध्ये बोलावलं अन्... 'तो' अश्लील Video लीक

कोणत्या जिल्ह्यात पावसाची किती टक्के नोंद?

महाराष्ट्रात गेल्या काही दिवसांमध्ये अनेक जिल्ह्यांत पूरस्थिती निर्माण झाली होती. अशा परिस्थिती, जुलै महिन्यात राज्यात सरासरीच्या 138 टक्के जास्त पाऊस झाल्याची माहिती पुणे वेधशाळेने दिली आहे. त्यांनी दिलेल्या माहितीनुसार, राज्यात सरासरीपेक्षा जास्त मुसळधार पाऊस झाल्याची नोंद आहे. पुढील 2 ते 3 दिवस कोकण विभागात मुसळधार ते अतीमुसळधार पावसाची शक्यता देखील हवामान विभागाने वर्तवली आहे. राज्यातील अनेक धरणे 90 टक्के भरले असून पुढील काही दिवस नागरिकांनी सतर्क राहण्याचे आवाहनही करण्यात आले आहे.