Maratha Morcha: शरद पवार पोहचले जालन्याला, मराठा आंदोलकांना म्हणाले; ‘जे करायचं ते…’
Sharad Pawar on maratha morcha : जालन्यातील अंतरावली सराटीमध्ये जात शरद पवार यांनी मराठा क्रांती मोर्चातील आंदोलकांची भेट घेतली. यावेळी शरद पवार यांनी आंदोलनकर्त्यांना जे करायचे आहे ते शांततेच्या आणि लोकशाहीच्या मार्गाने करु असं अश्वासनही त्यांनी यावेळी दिलं.
ADVERTISEMENT
Sharad Pawar on maratha morcha : मराठा आरक्षणासाठी जालना जिल्ह्यातील अंतरवाली सराटीमध्ये चाललेल्या आंदोलनावर केलेला लाठीहल्ला चुकीचा असल्याची टीका शरद पवार (sharad pawar) यांनी केली. महाराष्ट्रातील नेत्यांनी जालना जिल्ह्यातील आंदोलनावर लाठीहल्ला केल्यानंतर कालच शरद पवारांनी मी आंदोलनकर्त्यांची भेट घेणार असल्याचे जाहीर केले होते. यावेळी शरद पवार यांनी जे आंदोलन करायचे ते शांततेच्या मार्गाने आणि लोकशाही मार्गाने करूया असं अश्वासन देत त्यांनी मनोज परांगे पाटील यांची भेट घेतली. यावेळी शरद पवार यांनी आंदोलनावर केलेल्या लाठीहल्याचा निषेध व्यक्त करत त्यांनी मुख्यमंत्री एकनाथ शिंदे यांच्यावर निशाणा साधला. एकनाथ शिंदे यांनी दिलेले अश्वासन पूर्ण केलं नाही म्हणत त्यांनी राज्य सरकारवर जोरदार हल्लाबोल केला.
ADVERTISEMENT
लाठीहल्ला का केला
शरद पवार यांनी मनोज जरांगे पाटील यांचे आंदोलन शांततेने चाललेले असताना आणि चर्चा चालू असतानाच पोलिसांनी का लाठीहल्ला केला असा सवालही त्यांनी उपस्थित केला.
हे ही वाचा >>Uddhav Thackeray : ‘भाजप म्हणजे भाड्याने जमवलेला पक्ष’,ठाकरेंचा सत्ताधाऱ्यांवर हल्लाबोल
आंदोलनाला गालबोट
मराठा आरक्षणासाठी चाललेले हे आंदोलन लोकशाहीच्या मार्गाने चालू होते. मात्र पोलिसांनी बळाचा वापर करुन आंदोलनाला गालबोट लावले. हे आंदोनल लोकशाही मार्गाने चालू असतानाच पोलिसांनी लाठीचार्ज आणि हवेत गोळीबार का केला. बंदुकीचे छर्रे का झाडण्यात आले, त्यामुळे अनेक लोकं जखमी झाले असून मीही त्या लोकांची भेट घेतली आहे अशी माहितीही त्यांनी यावेळी दिली.
हे वाचलं का?
ADVERTISEMENT
काल जालना जिल्ह्यातील अंतरवाली सराटी येथे मराठा आरक्षणासाठी लोकशाही मार्गाने आंदोलन करणाऱ्या आंदोलनकर्त्यांवर पोलिसांनी केलेल्या अमानुष लाठीहल्ल्यात जखमी झालेल्यांची उपजिल्हा रुग्णालय अंबड येथे आदरणीय श्री. शरदचंद्र पवार साहेब यांच्यासह जाऊन भेट घेतली. त्यांच्या तब्येतीची… pic.twitter.com/PSQTNX1oh1
— Jayant Patil- जयंत पाटील (@Jayant_R_Patil) September 2, 2023
ADVERTISEMENT
चर्चा चालू असतानाच हल्ला का
मराठा आरक्षणासाठी शांततेच्या मार्गाने चाललेल्या आंदोलनावर सरकारकडून लक्ष देण्यात आले नाही. त्यामुळेच चर्चा चालू असताना सरकारकडून लाठीहल्ला केला गेला. हा लाठीहल्ला का करण्यात आला त्याचे उत्तर सरकार देणार का असा सवालही त्यांनी उपस्थित केला आहे.
ADVERTISEMENT
हे ही वाचा >> Thane Crime: बायकोची गोळी झाडून हत्या, पुढच्याच क्षणी हार्ट अटॅकने नवऱ्याचा मृत्यू
उदयनराजे यांना धन्यवाद
मराठा क्रांती मोर्चामध्ये शरद पवार पोहचल्यानंतर त्यांनी भाषण सुरु करण्याआधीच माजी खासदार उदयनराजे त्याच ठिकाणी उपस्थित होते. त्यावेळी शरद पवार यांनी मार्गदर्शन करुन झाल्यानंतर त्यांनी आपल्या हातातील माईक उदयनराजे यांच्या हातात सोपविला. त्यांच्या या कृत्याचे राजकीय वर्तुळात जोरदार चर्चा चालू होती.
शिंदेंनी शब्द पाळला नाही
शिंदे-फडणवीस-पवार सरकारच्या काळातच मराठा आंदोलनावर लाठीहल्ला करण्यात आला. त्यावरुनच शरद पवार यांनी सरकारवर हल्लाबोल केला. मुख्यमंत्री एकनाथ शिंदे यांनी मराठा आंदोलकांना दिलेले अश्वासन पूर्ण करता आले नाही. त्यांच्यामुळेच या आंदोलनाला गालबोट लागल्याचेही त्यांनी सांगितले.
ADVERTISEMENT