'दीनानाथ' प्रकरणात वादळाच्या केंद्रस्थानी, राजीनामा देणाऱ्या डॉक्टर घैसास यांची हिस्ट्री काय?
Sushrut Ghaisas: तनुषा भिसे यांचे उपचार हे डॉ. घैसास यांच्या मार्गदर्शनाखाली सुरु होते. दीनानाथ मंगेशकर रुग्णालयाच्या अधिकृत वेबसाईटवरुन घैसास यांची माहिती काढून टाकण्यात आली आहे.
ADVERTISEMENT
बातम्या हायलाइट
दीनानाथ मंगेशकर रुग्णालयातील घटनेनंतर संताप
राज्यभरात चर्चेत आलं दीनानाथ रुग्णालय
डॉ. सुश्रूत घैसास यांनी दिला राजीनामा
कोण आहे डॉक्टर सुश्रूत घैसास?
Dr. Sushrut Ghaisas : तनिषा भिसे प्रकरणात राज्य सरकारच्या समिती स्थापन केली होती. या समितीने त्यांची निरिक्षणं नोंदवली आहेत. या निरीक्षणांमध्ये डॉ. सुश्रुत घैसास यांच्यावर देखील ठपका ठेवण्यात आला आहे. भिसे यांनी योग्य वेळेत उपचार करणं गरजेचं होतं असं अहवालात म्हणण्यात आलं आहे. दुसरीकडे घैसास यांनी दीनानाथमधील त्यांच्या पदाचा देखील राजीनामा दिला आहे. हॉस्पिटलचे व्यवस्थापकीय संचालक डॉ. धनंजय केळकर यांनी देखील पत्रकार परिषदेत घैसास यांनी राजीनामा दिल्याचं सांगितलं. भिसे प्रकरण हे या घैसास डॉक्टरांच्या अवतीभवती फिरताना दिसत आहे. त्यामुळे हे डॉ. सुश्रुत घैसास नेमके कोण आहेत हा प्रश्न अनेकांना पडला आहे. (Who is Doctor Sushrut Ghaisa)
घैसास वादळाच्या केंद्रास्थानी
तनिषा भिसे (Tanisha Bhise Case) यांचे उपचार हे डॉ. घैसास यांच्या मार्गदर्शनाखाली सुरु होते. डॉ. घैसास यांनी भिसे यांना जोखमीच्या आणि धोकादायक प्रेग्नन्सीबाबत माहिती दिल्याचं दीनानाथने समोर आणलेल्या प्रेस नोटमध्ये म्हटलं आहे. शासनाच्या समितीच्या अहवालानुसार 28 मार्चला सकाळी 9 वाजता भिसे कुटुंबिय डॉ. घैसास यांना फोन करुन बाह्यरुग्ण विभागात उपचारासाठी आले होते. डॉ. घैसास यांनी भिसे यांना रुग्णालयात दाखल होण्याचा सल्ला दिला होता. त्याचबरोबर त्यांना खर्चाबाबतची देखील कल्पना दिली होती असं देखील शासनाच्या समितीच्या अहवालामध्ये म्हटलं आहे.
डॉ. घैसास हे प्रसुतीतज्ञ
त्यामुळे आता भिसे प्रकरणाच्या केंद्रस्थानी आलेले आहेत. घैसास हे प्रसिद्ध प्रसुतीतज्ञ आणि स्रीरोग तज्ञ आहेत. घैसास हे मुळे पुण्याचे रहिवासी आहेत. दीनानाथ मंगेशकर रुग्णालयात घैसास हे प्रसुतीतज्ञ आणि स्रीरोग तज्ञ आहेत. घैसास हे त्यांच्या जोखमीच्या प्रेग्नंसी आणि फेटल मेडिसीनसाठी प्रसिद्ध आहेत.
लंडनमधून फेलोशिप
हे ही वाचा >> Fact Check: मुंब्य्राचा 'तो' Video अन् राज ठाकरेंना विचारतायेत जाब.. काय आहे हे सगळं प्रकरण?
पुण्यातील बी. जे. मेडिकल कॉलेजमधून डॉ. घैसास यांनी MBBS ची पदवी घेतली आहे. त्यानंतर प्रसुतीशास्त्रातील पुढील शिक्षणासाठी ते मुंबईतील केईएम हॉस्पिटलमध्ये गेले. त्यानंतर चैन्नईमध्ये त्यांना पुढील शिक्षणासाठी फेलोशिप मिळाली. लंडनमधील किंग्ज कॉलेज आणि रॉयल फ्री हॉस्पिटल मधून त्यांनी फेटल मेडिसीनमध्ये फेलोशिप देखील मिळवली आहे.
अख्ख कुटुंब डॉक्टर
घैसास कुटुंबिय हे पुण्यातील मोठं प्रस्थ आहे. घैसास कुटुंबियांमध्ये सगळेच डॉक्टर आहेत. घैसास यांचे वडील हे प्रतिद्ध स्रीरोग तज्ञ आहेत. त्यांचं कोथरुड भागामध्ये रुग्णालय देखील आहेत. त्याचबरोबर घैसास यांच्या आई या प्रसिद्ध भूलतज्ञ आहेत.
दरम्यान घैसास यांना या सगळ्या प्रकरणानंतर ताण येत असल्याचं केळकर यांनी सांगितलं. त्याचबरोबर या प्रकरणामुळे त्यांना त्यांच्या पेशंटला हॅण्डल करताना अडचणी येत असल्याचं देखील केळकर म्हणाले. दुसरीकडे शासनाच्या समित्या या घैसास यांची देखील चौकशी करत आहेत.
रुग्णालयाच्या वेबसाईटवरुन घैसास यांचे डीटेल्स गायब
दीनानाथ मंगेशकर रुग्णालयाच्या अधिकृत वेबसाईटवरुन घैसास यांची माहिती काढून टाकण्यात आली आहे.
आता शासनाच्या समित्या या प्रकरणाची चौकशी करत आहेत. या चौकशीमधून काय समोर येतं हे पाहणं महत्त्वाचं असणार आहे. तुम्हाला या प्रकरणात काय वाटतं हे आम्हाला कमेंट करुन सांगायला विसरु नका.
हे ही वाचा >> सावरकरांवरील वक्तव्याचं प्रकरण, राहुल गांधींची 'ती' मागणी मान्य, आता पुरावे आणि संदर्भांवर होणार चर्चा
दरम्यान, भिसे या डॉ. घैसास यांच्या मार्गदर्शनाखाली उपचार घेत होत्या. त्यांना जोखीम असताना त्यांना दाखल करुन घेण्यात आले नाही त्याचबरोबर त्यांच्याकडे डिपॉझिटची मागणी करण्यात आली असा ठपका हा घैसास यांच्यावर ठेवण्यात आला आहे. दरम्यान भिसे यांचं प्रकरण समोर आल्यानंतर भाजप महिला मोर्चाच्या महिलांकडून डॉ. घैसास यांच्या वडीलांच्या रुग्णालयाची तोडफोड देखील करण्यात आली होती.
हे वाचलं का?
