'CM अभिनेत्यांसोबत Busy तर, गृहमंत्री गलिच्छ राजकारणात...', बलात्काराच्या घटनेवरून आदित्य ठाकरेंनी सुनावलं
नागपूरमधील 9 वर्षीय मुलीवरील बलात्काराच्या घटनेने शिवसेना (UBT) चे नेते आदित्य ठाकरे यांनी शिंदे-फडणवीस सरकारवर जोरदार टीका केली आहे.
ADVERTISEMENT
बातम्या हायलाइट
नागपूरमधील 9 वर्षाच्या मुलीवर लहान बहिणीसोबत बलात्कार
आदित्य ठाकरे यांची शिंदे सरकारवर टीका
गृहमंत्री फडणवीसांवर देखील साधला निशाणा
Aaditya Thackeray: मुंबई: नागपूरमध्ये एका 9 वर्षीय अल्पवयीन मुलीवर तिच्याच 5 वर्षीय बहिणीसमोर एका नराधमाने बलात्कार केल्याची धक्कादायक घटना ही समोर आली आहे. ही घटना उजेडात येताच आता प्रचंड संताप व्यक्त करण्यात येत आहे. दरम्यान, याच मुद्द्यावरून शिवसेना (UBT) नेते आदित्य ठाकरे यांनी मुख्यमंत्री एकनाथ शिंदे आणि गृहमंत्री देवेंद्र फडणवीस यांच्यावर तुफान आणि अत्यंत जहरी शब्दात टीका केली आहे. (nagpur 9 year old girl rape case cm busy with actors and home minister in dirty politics aaditya thackeray direct attack on shinde fadnavis govt)
आदित्य ठाकरेंची शिंदे-फडणवीसांवर जहरी टीका
नागपुरातील बलात्काराच्या या घटनेनंतर आदित्य ठाकरे यांनी X वर ही घटना पोस्ट करत महाराष्ट्राचे मुख्यमंत्री एकनाथ शिंदे आणि देवेंद्र फडणवीस यांच्यावर जोरदार टीका केली आहे.
हे ही वाचा>> Nagpur Crime: लहान बहिणीसमोर 9 वर्षाच्या मुलीवर बलात्कार, 20 रुपये दिले अन्...
'महाराष्ट्रासाठी, बेकायदेशीर आणि बेशरम मुख्यमंत्री, गद्दार मिंधे, हे प्रशासनाबाबत प्रचंड अनभिज्ञ आहेत. ते त्यांच्या फोटो ऑप्ससाठी अभिनेत्यांना आमंत्रित करण्यात व्यस्त आहेत. त्यांनी राज्य अराजकतेत बुडण्यासाठी सोडून दिलं आहे. कायद्याची कोणालाही भीती राहिलेली नाही. तर गृहमंत्री हे गलिच्छ राजकारणात व्यस्त आहे.' असं ट्वीट आदित्य ठाकरेंनी केलं आहे.
हे वाचलं का?
ADVERTISEMENT
बदलापूरमधील चिमुकल्या मुलींवरील लैंगिक अत्याचाराच्या घटना ताज्या असतानाच नागपूरमधील या घटनेन देखील पुन्हा एकदा चिमुकल्या मुलींच्या सुरक्षेचा प्रश्न ऐरणीवर आला आहे.
हे ही वाचा>> Crime News: आईने मुलीला बॉयफ्रेंडसोबत 'नको त्या' अवस्थेत पाहिलं अन्...
बदलापूर घटनेनंतर शिंदे सरकारवर सर्वच स्तरातून जोरदार टीका करण्यात आली होती. त्यानंतर आता पुन्हा एकदा अल्पवयीन मुलीवर लैंगिक अत्याचार केल्याची घटना समोर आल्याने आदित्य ठाकरेंनी पुन्हा सरकारवर हल्ला चढवला आहे.
ADVERTISEMENT
नागपूरमधील नेमकी घटना काय?
नागपुरातील पार्डी भागात एक व्यक्ती अचानक एका घरात घुसला आणि त्याने त्या घरात असलेल्या मुलींना त्यांच्या पालकांबद्दल विचारणा केली. परंतु जेव्हा मुलींनी सांगितलं की, घरी कोणीही नाही तेव्हा त्या नराधमाने अचानक 9 वर्षाच्या मुलीवर लैंगिक अत्याचार करण्यास सुरुवात केली.
ADVERTISEMENT
धक्कादायक बाब म्हणजे मुलीच्या लहान बहिणीसमोरच या नराधमाने हे घृणास्पद कृत्य केलं. जेव्हा लहान बहिणीने आरडाओरडा करण्यास सुरुवात केली तेव्हा आरोपी इसमाने 5 वर्षीय मुलीला 20 रुपयांची नोट देऊन शांत राहण्यास सांगितलं.
दरम्यान, पोलीस ठाण्यात गुन्हा दाखल करून मुलीची वैद्यकीय तपासणी करण्यात आली. याप्रकरणी नागपूर पोलीस काहीही बोलण्यास तयार नसले तरी पार्डी पोलीस ठाण्याचे पोलीस निरीक्षक रणजीत शिरसाट यांनी फोनवर बोलताना बलात्काराच्या घटनेला दुजोरा दिला आहे. मात्र, कॅमेऱ्यासमोर काहीही बोलण्यास नकार दिला.
या संपूर्ण प्रकरणात पोलिसांनी बलात्काराच्या आरोपीचे पोस्टर प्रसिद्ध केले आहे. कारण घटनेला 3 दिवस उलटले तरी आरोपी अद्याप पोलिसांच्या हाती लागलेला नाही.
ADVERTISEMENT