Yashashree Shinde news : यशश्रीची ज्या कोयत्याने केली हत्या, तो कुठे सापडला? Inside Story

दाऊद शेख पोलीस कोठडीत असून, त्याची चौकशी केली जात आहे. यशश्रीची हत्या लग्नाला नकार दिल्याच्या रागातून करण्यात आल्याची दाऊदने कबुली दिली आहे. तिच्या हत्येचा घटनाक्रम दाऊद शेखने सांगितला. 

यशश्रीवर कोयत्याने केले वार

दाऊद शेखने यशश्री शिंदेच्या हत्येसाठी धारदार कोयत्याचा वापर केल्याचे तपासातून समोर आले आहे. हत्या केल्यानंतर त्याने यशश्रीचा मोबाईल घेतला आणि प्रवास करत असताना फेकून दिला. 

दाऊदने यशश्रीची हत्या केल्यानंतर काय केले?

लग्नाला नकार दिल्यानंतर दोघांमध्ये वाद सुरू झाला. रागात दाऊद शेखने कोयता काढून यशश्रीवर हल्ला केला. हत्या केल्यानंतर घटनास्थळापासून जवळच असलेल्या उरण स्थानकात तो गेला. त्यानंतर बेलापूरला जाण्यासाठी लोकल पकडली.

हेही वाचा >> दाऊद शेखने हत्या करण्यापूर्वी यशश्रीला किडनॅप केले होते? 

उरणवरून बेलापूरला येत असताना दाऊदने कोयता आणि मोबाईल चालत्या गाडीतून फेकून दिले. पोलिसांनी तो कोयता शोधला असून, जप्त केला आहे. मात्र, यशश्रीचा मोबाईल अजूनही सापडलेला नाही. 

यशश्रीने दाऊदला केले होते ब्लॉक

दाऊदने यशश्रीकडे लग्नाचा तगादा लावला होता. तो सतत कॉल करत होता. यशश्रीने काही वेळा त्याचा नंबर ब्लॉक केला होता. त्यावेळी त्याने मोहसीनच्या मोबाईलवरून कॉल केले.

हेही वाचा >> जयंत पाटील अडकणार? फडणवीसांना पत्र, राजकीय वर्तुळात खळबळ 

दाऊद शेखकडे यशश्रीसोबतचे काही खासगी फोटो होते. ते फोटो व्हायरल करण्याची धमकी दाऊद शेख देत होता. 24 जुलै रोजी दाऊद शेख आणि यशश्री शिंदे जुईनगर रेल्वे स्थानकाजवळ भेटले होते. 

यशश्रीने नकार दिला अन् दाऊदने फोटो केला शेअर

25  जुलै रोजी दाऊद शेखने यशश्रीला पुन्हा भेटायला बोलावलं होतं. तिने नकार दिला. त्यानंतर त्याने दोघांचा एक फोटो फेसबुकवर पोस्ट केला. फोटो बघितल्यानंतर यशश्री भेटण्यासाठी तयार झाली. भेटल्यानंतर दाऊदने यशश्रीच्या सांगण्यावरून फोटो डिलीट केला.