Elvish Yadav : रेव्ह पार्टीचा बेत, 5 कोब्रा अन् विष; Bigg Boss एल्विशवर गुन्हा

सेक्टर-49 मध्ये पोलिसांचा छापा

मिळलेल्या माहितीनुसार, नोएडा पोलिसांनी सेक्टर 49 मध्ये छापा टाकून 5 जणांना अटक केली आहे. पोलिसांनी येथून 5 कोब्रा नाग जप्त केले असून, आरोपींकडे सापाचे विषही सापडले आहे. पोलिसांनी अटक केलेल्या लोकांची चौकशी केली, तेव्हा बिग बॉस विजेता एल्विश यादवचे नावही समोर आले. पोलिसांनी एल्विशविरुद्ध एफआयआर नोंदवला आहे.

हे ही वाचा >> Manoj Jarange : CM शिंदे म्हणाले, ‘सरसकट नाही’, जरांगेंनी गोंधळ केला दूर

एल्विशचे नाव असे आले समोर

एफआयआरमधील माहितीनुसार, आरोपींमध्ये एल्विश यादवचेही नाव आहे. पीपल फॉर अॅनिमल्समध्ये अॅनिमल वेल्फेअरमध्ये ऑफिसर म्हणून काम करणाऱ्या गौरव गुप्ता यांनी हा एफआयआर दाखल केला आहे. हे संपूर्ण प्रकरण एका तक्रारीने सुरू झाले. गौरव गुप्ता यांच्या म्हणण्यानुसार, नोएडामध्ये अशा प्रकारच्या कृत्यांची माहिती मिळत होती. यूट्यूबर एल्विश यादव काही लोकांसोबत नोएडा-एनसीआरच्या फार्म हाऊसमध्ये सापाचे विष आणि जिवंत सापांचे व्हिडिओ शूट करत असल्याचेही समोर आले आहे. यासोबतच बेकायदेशीरपणे रेव्ह पार्ट्या आयोजित केल्याचीही माहिती मिळाली.

हे ही वाचा >> Bigg Boss OTT 2 winner : घरच आहे 14 कोटींचं, एल्विश यादवची महिन्याची कमाई किती?

एल्विशने स्वतः एजंटचा नंबर दिला

या माहितीच्या आधारे एका खबऱ्याने एल्विश यादवशी संपर्क साधला होता. एल्विशला संपर्क केल्यानंतर त्याने राहुल नावाच्या एजंटचा नंबर दिला होता आणि त्याला त्याच्या नावाने बोलले तर काम होईल, असे सांगितले. यानंतर माहिती देणाऱ्याने राहुलशी संपर्क साधला आणि त्याला पार्टी आयोजित करण्यासाठी आमंत्रित केले. तक्रारदाराने याची माहिती वनविभागाचे अधिकारी व पोलिसांना दिली. 2 नोव्हेंबरला आरोपी साप घेऊन सेवरॉन बँक्वेट हॉलमध्ये पोहोचला. दरम्यान, वनविभागाच्या पथकाने पोलिसांच्या मदतीने आरोपीला पकडले. पोलिसांनी दिल्लीतून राहुल, टिटूनाथ, जयकरण, नारायण आणि रविनाथ अशी पाच जणांना अटक केली आहे.

छाप्यात कोणते साप सापडले?

पोलिसांनी टाकलेल्या छाप्यात सापाचे विष, पाच कोब्रा नाग, एक अजगर, दोन टोळलेले साप आणि एक घोड्याच्या शेपटीचा साप जप्त करण्यात आला आहे. पाचही आरोपींना अटक करण्यात आल्याचे पोलिसांनी सांगितले. या प्रकरणी एल्विश यादवसह सहा ओळखीच्या आणि इतर काही अनोळखी लोकांविरुद्ध गुन्हा दाखल करण्यात आला आहे. या टोळीतील एल्विश यादवचा सहभाग तपासण्यात येत आहे.